• USD 424.85

  • EUR 504.21

  • RUB 5.84

  • CNY 65.86

08 Jeltoqsan, 08:35:54
Almaty
+6°
11 qazanda Almatydaǵy Almaly aýdandyq soty Qazaqstanda ekstremıstik dep tanylǵan "Qazaqstannyń demokratııalyq tańdaýy" jáne "Kóshe partııasy" uıymyn qurdy jáne onyń isine aralasty dep aıyptalǵan 13 oppozısııalyq belsendige úkim jarııalady. Eki uıym da sheteldegi oppozısıoner Muhtar Áblıazovqa qatysy bar.
 
Azattyq radıosynyń málimetinshe, sýdıa Ernar Qasymbekov prokýrordyń suraýyn oryndap, tórt adamdy 5 jylǵa bostandyǵynan aıyryp, qalǵan toǵyz belsendiniń erkindigin 1 jyldan 2 jylǵa deıin shektegen. Sottalýshylar taǵylǵan aıypty moıyndamaıtynyn, úkimmen kelispeıtinin málimdegen.

Sýdıa Ernar Qasymbekov aıyptalǵan 13 belsendige tómendegideı jaza taǵaıyndaǵan:

  • Abaı Begimbetov – 5 jyl bostandyǵynan aıyrý, 5 jylǵa qoǵamdyq saıası jumyspen aınalysýyna tyıym salý (405-bap 1,2-tarmaǵy boıynsha aıyptalǵan);

  • Ashat Jeksebaev – 5 jyl bostandyǵynan aıyrý, 5 jylǵa qoǵamdyq saıası jumyspen aınalysýyna tyıym salý (405-bap 1,2-tarmaǵy boıynsha aıyptalǵan);

  • Qaırat Qylyshev – 5 jyl bostandyǵynan aıyrý, 5 jylǵa qoǵamdyq saıası jumyspen aınalysýyna tyıym salý (405-bap 1,2-tarmaǵy boıynsha aıyptalǵan);

  • Noıan Raqymjanov – 5 jyl bostandyǵynan aıyrý, 5 jylǵa qoǵamdyq saıası jumyspen aınalysýyna tyıym salý (405-bap 1,2-tarmaǵy boıynsha aıyptalǵan).

Basylym sýdıa bul tórteýi jazasyn qaýipsizdigi ortasha túzeý mekemesinde óteıtimin málimdegenin habarlady.

Sot 405-baptyń 2-tarmaǵy boıynsha aıyptalǵan toǵyz adamǵa tómendegideı jaza taǵaıyndaǵan:

  • Dámetken Aspandııarova – 2 jylǵa bostandyǵyn shekteý;

  • Baqdáýlet Álibekov – 1 jyl bostandyǵyn shekteý;

  • Dıana Baımaǵambetova – 2 jylǵa bostandyǵyn shekteý;

  • Gúlzıpa Jaýkerova – 1 jyl bostandyǵyn shekteý;

  • Nınagúl Jumanııazova – 1 jyl bostandyǵyn shekteý;

  • Ermek Qozıev – 1 jylǵa bostandyǵyn shekteý;

  • Marat Qurbanov – 1 jylǵa bostandyǵyn shekteý;

  • Bolat Smaǵulov – 1 jylǵa bostandyǵyn shekteý;

  • Darhan Ýálıev – 1 jylǵa bostandyǵyn shekteý.

2020 jylǵy jeltoqsan aıynan beri Almatynyń tergeý abaqtysynda otyrǵan Abaı Begimbetov, Ashat Jeksebaev, Qaırat Qylyshev, Noıan Raqymjanovtyń qamaýdaǵy ár kúni bir jarym kún dep eseptelinedi dep habarlady sýdıa. Dıana Baımaǵambetovany qamaýdan bosatyp, oǵan shartty jaza tártibin túsindirdi. Sot Dámetken Aspandııarovanyń osy kezge deıin úıqamaqta bolǵanyn esepke alyp, ol jazasyn ótegen bolyp eseptelindi. Aspandııarova 2020 jylǵy 23 qyrkúıekte ustalyp, sot sheshimimen úıqamaqta bolǵan.

Búgin shyqqan úkimmen kelispeıtinin málimdegen aıyptalýshylar men olardyń advokattary apellıasııaǵa shaǵym beretinin aıtty.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir