• USD 468.56

  • EUR 497.56

  • RUB 7.3

  • CNY 67.18

29 Naýryz, 14:16:44
+35°

Foto: «Nur Otan» partııasynyń baspasóz qyzmeti

«Nur Otan» Tóraǵasynyń Birinshi orynbasary Baýyrjan Baıbek partııanyń saılaýaldy baǵdarlamalarynyń Túrkistan oblysynda iske asyrylý barysymen tanysty.

«Birneshe jyl buryn Elbasy, Tuńǵysh Prezıdent Nursultan Nazarbaevtyń Túrkistandy jańǵyrtý týraly qabyldaǵan sheshimi elimiz úshin ǵana emes, búkil túrki álemi úshin tarıhı oqıǵa boldy. Qysqa merzim ishinde rýhanııatymyzdyń dińgegi bolǵan kóne de qasıetti qala qaıta túledi», – dep atap ótti Baýyrjan Baıbek.

Foto: «Nur Otan» partııasynyń baspasóz qyzmeti

Onyń aıtýynsha, Memleket basshysy Qasym-Jomart Toqaev jarııa etken «О́zgerister joly: Ár azamatqa laıyqty ómir!» Saılaýaldy baǵdarlama aıasynda 2025 jylǵa deıin óńirde kóptegen áleýmettik jáne mádenı jobalardy júzege asyrý josparlanýda.

Oblysta 5 jylǵa josparlanǵan 1956 is-sharanyń 20%-ten astamy oryndaldy. 364 myń sharshy metr turǵyn úı, 15 jańa mektep, 8 mádenı nysan salyndy. Jyl sońyna deıin 717 eldi meken sapaly aýyz sýǵa qol jetkizedi, sondaı-aq óńirdiń taǵy 65 myń turǵyny tabıǵı gazben qamtamasyz etiledi.

Foto: «Nur Otan» partııasynyń baspasóz qyzmeti

2025 jylǵa deıin oblysta 66 densaýlyq saqtaý nysanynyń qurylysy josparlanyp otyr. Búgin Baýyrjan Baıbek partııanyń saılaýaldy baǵdarlamasy aıasynda Túrkistanda salynǵan qalalyq ortalyq aýrýhanany aralady.

«Medısına qyzmetkerlerimen birge densaýlyq saqtaý salasyndaǵy ózekti máseleler, onyń ishinde óńirlerde bilikti mamandardyń jetispeýshiligi máselesin talqyladyq. Bul máseleni sheshý úshin partııa naqty maqsattar qoıady. Atap aıtqanda, balalar dárigerlerin qosa alǵanda, arnaýly salaǵa mamandanǵan medısına qyzmetkerlerin daıarlaýǵa arnalǵan granttar sany artady. 2023 jylǵa qaraı dárigerlerdiń jalaqysy 2,5 esege kóbeıip, keminde 550 myń teńgeni, orta medısınalyq qyzmetkerlerdiń jalaqysy keminde 190 myń teńgeni quraıdy. Tirek jáne seriktes aýyldarda feldsherlik-akýsherlik pýnktter men dárigerlik ambýlatorııalar ashylyp, jańǵyrtylady. Jalpy, barlyq kózderden densaýlyq saqtaýdy qarjylandyrý kólemi JIО́-niń 5%-tine deıin jetkiziletin bolady», – dep jazdy ol Facebook-tegi paraqshasynda.

Foto: «Nur Otan» partııasynyń baspasóz qyzmeti

Sol kúni Baýyrjan Baıbek gollıvýdtyq «Disney» kınokompanııasynyń memlekettik tilge dýblıajdalǵan «Jan» mýltfılminiń kópbalaly jáne az qamtylǵan otbasy balalaryna arnalǵan qaıyrymdylyq kórsetilimine bardy. Bul – «Bolashaq» baǵdarlamasy túlekteriniń joǵary halyqaralyq standarttar boıynsha aǵylshyn tilinen qazaq tiline dýblıajdaǵan 37 sheteldik kınokartınasynyń biri.

«Nur Otan» partııasy Tóraǵasynyń Birinshi orynbasary atap ótkendeı, «Baqytty otbasy» jobasy aıasynda partııa daryndy balalardy anyqtaý jáne qoldaý jumystaryn kúsheıtedi, sporttyq seksııalar men balalar úıirmeleri ashylady. О́mirlik qıyn jaǵdaıǵa tap bolǵan otbasylarǵa kómek kórsetý úshin búkil el boıynsha 234 arnaıy ortalyq ashylady.

Túrkistan oblysyna sapar barysynda Baýyrjan Baıbek «Jastar-Otanga!» halyqaralyq jastar forýmynyń qatysýshylarymen de kezdesti.

Foto: «Nur Otan» partııasynyń baspasóz qyzmeti

Foto: «Nur Otan» partııasynyń baspasóz qyzmeti

"Qamshy" silteıdi
Ilmek sózder: Nur Otan Túrkistan

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir