Foto: vıdeodan skrınshot
Almaty oblysynda úsh kólik soqtyǵysyp, 1 adam qaıtys boldy. Jol apatynyń beınejazbasy kris.p.almaty | Official Telegram paraqshasynda jarııalandy.
Oqys oqıǵa 8 qazan kúni keshki saǵat 17:30 shamasynda Almaty-Kókpek-Kóktal tasjolynda bolǵan.
"Eńbekshiqazaq aýdanynda 20 jastaǵy Mersedes Benz kóliginiń júrgizýshisi Almaty-Kókpek-Kóktal tasjolynyń 39 shaqyrymynda rólge ıe bola almaı, qarsy baǵytqa shyǵyp ketip, Audi C4 jáne Toyota Camry kólikterine soǵylǵan. Saldarynan Mersedes Benz kóliginiń júrgizýshisi oqıǵa ornynda kóz jumdy. Taǵy 2 adam túrli dene jaraqattarmen aýrýhanaǵa jetkizildi" delingen oblystyq polısııa departamenti taratqan habarlamada.
Qazir atalǵan is qylmystyq kodekstiń 345 baby 3-bóligi (abaısyzda adam ólimine ákep soqqan is-áreket) boıynsha tirkelip, sotqa deıingi tergeý bastalǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir