• USD 424.85

  • EUR 504.21

  • RUB 5.84

  • CNY 65.86

19 Qazan, 18:40:41
Almaty
+13°

Pavlodar oblysy Baıanaýyl aýdanynyń ákimi Qanat Kárimov Egindibulaq aýylynda qar jaýyp, burqasyn bolǵanyn vıdeoǵa túsirgeni úshin ákimdik qyzmetkerlerimen sóılesýge májbúr bolǵan turǵynnan keshirim surady.

Buǵan deıin jergilikti turǵyn Maııa Manasheva qar basqan aýlasyn vıdeoǵa túsirgeni úshin aýyl ákimshiliginiń ókiline túsinik berýge májbúr bolǵan. Ol vıdeony týystaryna jibergen. Keıin vıdeo áleýmettik jelige taralyp ketken. Artynsha jelide áıel adam ákimshilik qyzmetkerine áreketin túsindirip turǵan vıdeo tarady. Ol jerde turǵyn eki kún qatarynan qar jaýyp, aınalany basyp qalǵany týraly vıdeony týystaryna jiberý úshin túsirgenin, bóten oıy bolmaǵanyn aıtyp aqtalady. Bul jaǵdaı áleýmettik jelide qyzý talqylanyp, jurtshylyq ákimshilik qyzmetkeriniń áreketin jappaı synaǵan.

Endi mine jaǵdaıǵa baılanysty Baıanaýyl aýdanynyń ákimi Qanat Kárimov túsinik bildirdi. Ol vıdeoda kadr syrtynda turǵan Samat Ybyraev esimdi aýyl ákimi áıel adamǵa kómek kerek emes pe ekenin bilý úshin kelgen deıdi. Sózinshe, aýyl ákimi áleýmettik jelilerdegi shaǵymdarǵa baılanysty áreket etý týraly tapsyrmany oryndaý úshin zeınetkerdi vıdeokameraǵa túsirgen.

Turǵyn ákimge eshqandaı shaǵymy joq, kómekke muqtaj emes ekenin, áleýmettik jelide vıdeony kimniń jarııalaǵanyn bilmeıtinin aıtqan.

Artynsha Baıanaýyl aýdanynyń ákimi qolastyndaǵy qyzmetkerdiń áreketi úshin keshirim surady.

 
 
 
View this post on Instagram
 
 
 

Pýblıkasııa ot Tıpıchnyı Pavlodar (@tipavlo)

"Qamshy" silteıdi
Ilmek sózder: Baıanaýyl

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir