• USD 468.56

  • EUR 497.56

  • RUB 7.3

  • CNY 67.18

29 Naýryz, 05:57:17
Almaty
+35°

Foto: Aron Atabektiń qyzy Aıdana Aıdarhannyń instagram paraqshasynan

Aqyn, dıssıdent, Shańyraq oqıǵasy boıynsha 18 jylǵa sottalyp, jaqynda ǵana shartty jaza boıynsha bostandyqqa shyqqan Aron Atabektiń qyzy, belsendi Aıdana Aıdarhan ákesiniń qazirgi jaǵdaıy tym aýyr ekenin aıtty.

Ol Aron Atabek álige deıin ózdiginen qozǵala almaıtynyn, tipti bireýdiń kómeginsiz tósekten tura almaıtynyn málim etti.

– Qol-aıaǵy istemeıdi. Bul – uryp-soǵý, syný, hlormen azaptaý, sumdyq jaǵdaıda jalǵyzadamdyq kamerada jyldar boıy ustaǵannyń kesirinen bolyp otyr. Qazir ol kóbine tósekte jatady. Demikpe men jótel kesirinen sóıleýi qıyn. Ákeme eń tıimdi jáne jyldam terapııa, tolyq ári senimdi medısınalyq tekseris kerek. Alaıda buǵan pnevmonıaǵa shaldyqqany múmkindik bermeı otyr. 15 jyl boıy qoldan uıymdastyrylǵan aıyp boıynsha túrmede otyrǵan Aronnyń densaýlyǵy asa aýyr jaǵdaıda. Qoǵamdyq-saıası ómirden jyraq qaldy. Aterosklerozdyń asa aýyr túrine shaldyqqan. Bul syrqat umytshaqtyqqa, estelikterdi shatastyrýǵa soqtyryp, jyldam reaksııa tanytýǵa kedergi keldiredi, – deıdi Aıdana Aıdarhan.

Sondaı-aq ol Aron Atabek 2006 jylǵy Shańyraq isi boıynsha ózin tolyq aqtaýǵa qol jetkizetinine senimdi ekenin, alaıda oǵan densaýlyq jaǵdaıy mursha bermeı otyrǵanyn aıtty. Sózinshe, Aron Atabektiń jaǵdaıy 2 aı buryn ǵana jaqsy bolǵan. О́z qolymen hat jazyp, telefon arqyly sóıleskende de daýsynan shıraq ekeni baıqalǵan.

Ol aınaldyrǵan birneshe aptada ákesin osyndaı kúıge qasaqana túsirgen dep sanaıdy. Qazirgi kezde Aron Atabektiń salmaǵy 50 keli ǵana ekenin jetkizgen ol, 2006 jyly qamalǵanǵa deıin ákesi 85 keli bolǵanyn aıtady.

Aıdana Aıdarhan ákesiniń qý súıegi qalǵan sýretin salý qıynǵa soqqanyn, alaıda kópshilik oǵan túrmede ne istegenin bilýi úshin amalsyz, ákesiniń ruhsatymen jarııalap otyrǵanyn aıtty.

Sonymen qatar ol belsendiler men jýrnalısterge jeke kezdesýge suranbaý týraly otbasy músheleriniń ótinishine qulaq asqanyna, jurtshylyqqa kómektesip, qoldap otyrǵanyna alǵys bildirdi.

 
 
 
View this post on Instagram
 
 
 

Pýblıkasııa ot Aıdaná Aıdarhan (@aidanasupremacy)

"Qamshy" silteıdi
Ilmek sózder: Aron Atabek

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir