• USD 424.85

  • EUR 504.21

  • RUB 5.84

  • CNY 65.86

09 Jeltoqsan, 17:00:21
Almaty

Atyraý oblysynyń turǵyndary shóp órtenýi saldarynan qaıtys bolǵan 3 balanyń ólimin órt sóndirýshiler men polısııa qyzmetkerleri biraz ýaqyt boıy jasyrǵanyn aıtady. О́rt bolyp jatqan ýaqytta joǵalǵan Rahman, Islam jáne Nurbaqyt esimdi 1-synyp oqýshylary izdestirilýde bolǵan. Bul týraly Aq Jaıyq basylymy habarlady.

Mahambet aýdany Ortaqshyl aýylyndaǵy aýlalardyń birinde shóp janyp jatqanyn jáne balalardyń onda ekenin eshkim bilmegen. О́rt kezinde aýyl turǵyndary balalardy izdeýde bolǵan. Aldyn-ala boljam boıynsha balalar Jaıyq ózenine batyp ketken nemese qalaǵa ketip qalǵan bolar degen túrli oılar bolǵan.

– Munyń bári qalaı bolǵanyn naqty bilmeımiz. Nemerem keshki 5-ke deıin úıde boldy. Sodan keıin 2 dosy kelip, birge oınaýǵa jiberýin surady. Jibergim kelmegen, biraq ol 1 saǵattan keıin kelemin dep qatty ótindi, – dedi qaza bolǵan balalardyń biriniń ájesi Altyn Ábenova.

О́rt sóndirýshiler órtti eki saǵattan keıin sóndirgen. Keıinnen órtengen balalardyń súıekteri tabylǵany belgili boldy. Alaıda órt sóndirilgennen keıin oqıǵa ornynan balalardyń súıekteri tabylǵanyn týystaryna birden habarlamaǵan.

– Biz balalardy bárimiz izdedik, biraq olardyń máıiti tabylǵanyn bizge aıtqan joq. Biraz ýaqyttan keıin ǵana bárin jınap, habarlady. Al biz bostan bosqa izdedik. Tipti ata-analary da bilmedi, – deıdi aýyl turǵyny Ardaq Esbosynov.

Aýyl turǵyndary balalardy Jaıyqtan, jaǵalaýdaǵy butalardan izdegen. Keıin órt bolǵan aýlanyń arnaıy qorshaýmen qorshalǵanyn kórgen.

– Balalardyń tiri ekenine sendik. Sodan soń sary lentany kórip, polıseılerge jaqyndap baryp suradyq. Áıtpese, izdeı beretin edik, – dedi aýyl turǵyndary.

Qazir oqıǵa ornynda mamandar men tergeý-jedel toby jumys istep jatyr. Sot-medısınalyq saraptama taǵaıyndadalǵan.

5 qazan kúni keshke Ortaqshyl aýylyndaǵy úıdiń aýlasynda shóp órtenip, kámelet jasqa tolmaǵan 7-9 jastaǵy úsh bala joǵalǵan. Olardy izdeýge polısııa, qutqarýshylar men jergilikti turǵyndar jumyldyrylǵan. Keıinnen órt bolǵan jerde balalardyń deneleri tabylǵany anyqtaldy.

"Qamshy" silteıdi
Ilmek sózder: Mahambet aýdany

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir