Eýroparlament Lýkashenkony halyqaralyq sotqa tartpaq

Eýroparlament depýtattary jappaı azaptaý men qýǵyn-súrginge qatysy bar degen aıyppen Belarýs prezıdenti Aleksandr Lýkashenkony halyqaralyq jaýapkershilikke tartý úshin qysymdy kúsheıtýge daıyn.

Seısenbide Lıtvanyń Eýroparlamenttegi depýtaty, burynǵy premer-mınıstr Andrıýs ​​Kýbılıýs "Lýkashenkony Halyqaralyq sotqa berý kerek" dedi.

Onyń ustanymyn Germanııa Jasyl partııasynyń depýtaty Sergeı Lagodınskıı qoldady.

Aqparattarǵa sáıkes, bul talap osy beısenbide Eýropa parlament qararynda tolyq palata arqyly daýys berilip, qabyldanýy múmkin.

Eýroparlament músheleriniń aıtýynsha, prezıdent Lýkashenko 2020 jyldyń tamyzyndaǵy daýly prezıdent saılaýynk narazylyq bildirgen oppozısııalyq demonstranttardy zańsyz tutqyndaýǵa jáne azaptaýǵa buıryq bergen. Tutqyndardyń keminde 700-i áli de túrmede.

EO-nyń adam quqyqtary jónindegi arnaıy ókili Eamon Gılmordyń sózinshe, Belarýste qylmystardy tergeý úshin halyqaralyq sot qurýǵa bolady.