• USD 468.56

  • EUR 497.56

  • RUB 7.3

  • CNY 67.18

29 Naýryz, 12:47:38
Almaty
+35°

Búgin májilistiń jalpy otyrysynda depýtattar "О́nerkásiptik saıasat týraly" zań jobasyn birinshi oqylymda ilespe túzetýlerimen maquldady.

Májilis tóraǵasy Nurlan Nyǵmatýlın atalǵan qujat óńdeý ónerkásibin damytý jáne ónerkásip salasynyń ınvestısııalyq tartymdylyǵy men eksporttyq áleýetin arttyrýǵa baǵyttalǵanyn atap ótti.

Osy qujattaǵy jańalyqtarynyń biri – memlekettik qoldaý sharalaryn alýshy kásiporyndar úshin qarsy mindettemelerdi belgileý. Iаǵnı, memleket ınvestısııalanǵan aqshadan naqty nátıje kútýge quqyly.

Bul rette, májilis tóraǵasy Nurlan Nyǵmatýlın memlekettik qoldaý sharalaryn alý kezinde bızneske múmkin emes mindettemelerdi júktemeý kerektigine nazar aýdardy.

– Máselen, memleketten qoldaý kútken kásipker, óz bıznesin qalaı josparlaıdy? О́ıtkeni, ol ózinen ne talap etiletinin bilmeıdi ǵoı. Osy zań jobasynyń úkimettik nusqasynda da anyq kórsetilip tur. Kásipker qatań talaptan qutylý úshin sheneýniktiń aldyna baryp, ótinish jasaýyna týra keledi. Ári qaraı túsinikti. Sheneýnikke eshqandaı baqylaýsyz sheshim qabyldaýǵa múmkindik ber, birden sybaılastyq quqyqbuzýshylyqqa jol ashady. Sondyqtan, bul normany úkimettik nusqa boıynsha qaldyrýǵa bolmaıdy, – dedi májilis tóraǵasy.

Sonymen qatar, Nurlan Nyǵmatýlın memlekettik qoldaýǵa júgingen kásipkerlerge talapty qatańdatýǵa bolmaıtynyna nazar aýdardy. Osyǵan sáıkes, jumys tobyna jaýapty mınıstrlikpen birge ekinshi oqylymǵa deıin tıisti mindettemeler jónindegi normany naqty, anyq jáne túsinikti etip tolyqtyrý qajettigin aıtty.

Májilistiń baspasóz qyzmeti

"Qamshy" silteıdi
Ilmek sózder: Nurlan Nyǵmatýlın

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir