• USD 468.56

  • EUR 497.56

  • RUB 7.3

  • CNY 67.18

29 Naýryz, 19:22:39
Almaty
+35°

Almaty qalasy ákiminiń orynbasary Erjan Babaqumarov onlaın formatta Din isteri basqarmasynyń qalalyq alqasyn ótkizdi. Aǵymdaǵy jyldyń 9 aıynyń qorytyndysy boıynsha din salasyndaǵy memlekettik saıasatty iske asyrý máseleleri qaraldy.

Almaty qalasy Din isteri basqarmasynyń basshysy N. Qıqymov baıandama jasady, «Din máselelerin zertteý ortalyǵy», «Keńes berý jáne ońaltý ortalyǵy» KMM vedomstvolyq baǵynyshty uıymdardyń basshylyǵy tyńdaldy. Búgingi kúni qalada 17 konfessııa ókili bolyp tabylatyn 184 tirkelgen dinı birlestik jumys isteıdi. 115 ǵıbadat úıi qyzmet kórsetedi, onyń ishinde 52 meshit, 20 pravoslav shirkeýi men soborlar. Din salasynda aǵymdaǵy jyly 16 joba iske asyrylýda, 10 ÚEU jáne ózge de uıymdar tartyldy.

Konfessııaaralyq kelisimdi qamtamasyz etý maqsatynda Almatyda dinı birlestikter kóshbasshylarynyń klýby jumys isteıdi. Konfessııalar men memlekettik organdar ókilderiniń arasyndaǵy senimdi qarym-qatynastardy damytýǵa oń yqpal etetin túrli mádenı, sporttyq is-sharalar men jınalystar ótkiziledi.

Dinı saýattylyqty arttyrý, halyqtyń zaıyrlylyq qaǵıdattaryn jáne radıkaldy ıdeologııanyń zııandylyǵyn túsindirý úshin aqparattyq-túsindirý jumystary júrgiziledi. Jyl basynan beri 63 myń adamdy qamtyǵan 507 is-shara ótkizildi, bul 2020 jylǵa qaraǵanda 80%-ǵa artyq. Dinı ahýaldy baǵalaý boıynsha áleýmettik zertteý nátıjelerine sáıkes halyqtyń din salasyndaǵy memlekettik saıasatty qoldaýy 89,1%-dy quraıdy.

Alqa qorytyndysy boıynsha qala ákiminiń orynbasary Erjan Babaqumarov konfessııaaralyq kelisimdi nyǵaıtý máseleleri boıynsha rýhanı-túsindirý jumysyn kúsheıtýdi, sondaı-aq ekstremızm men terrorızmge qarsy is-qımyl máselelerinde memlekettik organdardyń barlyq múddeli uıymdarmen ózara is-qımylyn kúsheıtýdi tapsyrdy.

Sonymen qatar, Din isteri basqarmasy «Rýhanı jańǵyrý» KMM jáne Almaty qalasy QMDB fılıalymen birlesip, azamattardyń týǵan ólkesin damytýǵa, áleýmettik máselelerdi sheshýge, onyń ishinde áleýmettik nysandar, mektepter, medısınalyq mekemeler salý jónindegi jobalardy iske asyrýǵa, sondaı-aq ómirlik qıyn jaǵdaıǵa tap bolǵan azamattarǵa kómek kórsetýge baǵyttalǵan «Týǵan jer» arnaıy jobasyna mesenattardy tartý boıynsha birlesken jumys josparlandy.

"Qamshy" silteıdi
Ilmek sózder: Almaty

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir