Almatyda sot oryndaýshysy soqqyǵa jyǵylǵan, oǵan boksshynyń qatysy bolýy múmkin (vıdeo)

Almatyda jeke sot oryndaýshysy Ádil Ermekov soqqyǵa jyǵylǵan. Bul iske kásipqoı boksshy Janqosh Turarovtyń qatysy bar, dep habarlady zakon.kz.

Áleýmettik jelide sot oryndaýshysy óz mindetin atqarý kezinde baýyr tusynan aýyr soqqy alyp, jan ushyra aıǵaılap, jerge domalaı ketken vıdeo taraǵan.

"Polısııa qyzmetkerleriniń janynda belgisiz bireýler sot oryndaýshysyna qysym jasaı bastady. Olar sot oryndaýshysyna óz mindetin oryndaýǵa tyıym salyp, qorqytýǵa tyrysqan. Sot oryndaýshysy atalǵan derek boıynsha qylmystyq is qozǵaý týraly tıisti aryz jazdy" dedi Almaty qalasy jeke sot oryndaýshylar palatasy.

Jeke sot oryndaýshysyn urǵan adam munymen shektelmegen.  Ol boksshy Janqosh Turarovty kómekke shaqyrǵan. Ol úıge kelip, sot oryndaýshyny polısııadan aryzdy alýǵa kóndirmek bolǵan. qorqytqan.

– Bul istiń májbúrli túrde toqtatylýy jaqyn mańda turatyn birqatar adamdarǵa keri áser etetinine basa nazar aýdarý kerek. Eger qulaıyn dep qaqyrap turǵan qosalqy nysan kórshilerdiń úıin qıratatyn bolsa, onda birqatar adamdardyń densaýlyǵy men ómirine zııan keltirýi yqtımal. Ondaıda bul jaǵdaıda sot oryndaýshysy jaýapty bolady, – deıdi Ermekov.

Almaty qalasy jeke sot oryndaýshylar palatasynyń málimetinshe, Ádil Ermekov dárigerlerdiń kómegine júgingen. Dál qazirgi kezde ol jumysta joq.

Buǵan deıin sot oryndaýshysynyń qatysýymen arty qaıǵyly jaǵdaıǵa ulasqan oqıǵa bolǵan. 20 qyrkúıek kúni Almatynyń Alataý aýdanyndaǵy "Aqbulaq" yqsham aýdanynda jeke sot oryndaýshysy óz mindetin atqarý kezinde 54 jastaǵy er adamnyń qolynan qaza tapqan. Qaqtyǵys kezinde taǵy 4 adam mert bolǵan. Atalǵan oqıǵadan keıin "Kisi óltirý" jáne "Bılik ókiline shabýyl jasaý" degen eki bap boıynsha tergeý bastalǵan. Kisi óltirgeni úshin kúdikti 20 jylǵa deıin bas bostandyǵynan aıyrylýy múmkin.