• USD 424.85

  • EUR 504.21

  • RUB 5.84

  • CNY 65.86

04 Jeltoqsan, 23:05:20
Almaty
+5°

23 jastaǵy Dana Maratova 5 jyl boıy shákirtaqysyn, qosymsha tapqan aqshalardy qurap jaqynda ǵana Almatydan baspanaly boldy. Keıipkerimiz Qamshy tilshisine úı alýdaǵy kezdesken qıyndyqtar men qarjy jınaýdaǵy óziniń laıfkahtary týraly aıtyp berdi.

Dana 2015  jyly ál-Farabı atyndaǵy Qazaq ulttyq ýnıversıteti Jýrnalıstıka fakýltetine oqýǵa túsedi. Sol kezden bastap-aq Almatydan úı alý armany, artynsha maqsatyna aınalǵan.

 

Birinshi kýrs oqyp bitirgen 2016 jyly depozıt ashtym. Alǵashqyda shákirtaqamnyń jartysyn – 8500 teńgeni aı saıyn salyp júrdim. Biraq ol kezde úı alýdyń talaptary biraz qoljetimdi emes edi. Mysaly, 2 jyl Almaty qalasynda tirkeýde turýyń kerek, tirkeý joq bolsa, úı qunynyń 50 paıyzyn jınaý qajet degen talaptar bolatyn. Biraq soǵan qaramastan aqsha jınaýdy jalǵastyra berdim. Bakalavrıatty támámdap, magıstratýraǵa tústim, sonyń arasynda tynbaı jumys istedim, – degen Dana ýaqyt óte Almatyda baspana alýǵa qoljetimdi baǵdarlamalar shyǵa bastaǵanyn, ol tusta depozıttegi qarajat alǵashqy jarnaǵa jaraıtyndaı somaǵa jetip qalǵanyn aıtady.

 

Dananyń tańdaýy "Almaty jastary" baǵdarlamasyna túsken. Ol baǵdarlama boıynsha bastapqy jarna retinde úı qunynyń 10 paıyzyn tóleý jetkilikti. Ákimshilik qujat tapsyrǵandardy ball boıynsha iriktep, qalǵan somany jylyna 5 paıyzben 25 jylǵa deıin ıpoteka túrinde rásimdeıdi.

– Baǵdarlamanyń birinshi leginde sońǵy 2 jylda Almaty qalasynda tirkeý bolýy kerek degen talap bar edi. Men oǵan saı kelmeıtindikten qujat tapsyrmadym. Baǵdarlamanyń ekinshi leginde bul talapty alyp tastapty. О́ıtkeni, birinshi lektegi talapqa saı keletinder óte az bolǵan eken. Biraq ekinshi lekke qujat tapsyrarda qate jiberip, baǵdarlamaǵa óte almadym. Úshinshi lek bastalǵanda qujattardy rettep, qaıtadan tapsyrdym. Bul joly ótinish bergender kóp bolyp, ballym jetpeı, rezervke qoıyldym. Sóıtip júrgende baǵdarlama aıasynda 1 jylda berilýge tıis 1000 páterdiń barlyǵy tapsyrylyp qoıdy da men taǵy qaldym, – deıdi jas qyz.

Alaıda bul jaıttardyń barlyǵy Dananyń saǵyn syndyra almaǵan. Ol baǵdarlamanyń kezekti legin tosyp, óz sátin kútýmen boldy. 2021 jyly baǵdarlama aıasynda kezekti qujat qabyldaý bastalyp, muny estigen Dana qaıtadan qujat jınaýǵa kirisken.

 

– Bul – úshinshi márte qujat tapsyrýym boldy. Úmitkerler osy joly byltyrǵydan da kóp bolyp, taǵy da ball jetpeı, rezervke qoıyldym. Sodan "osy joly da maǵan úı buıyrmaıtyn shyǵar" dep ózimshe Almatyǵa ókpelem astanaǵa ketip qaldym. Ol jaqta páter izdep júrgenimde kezdeısoq rezervte turǵandarǵa maquldaý kelgenin bilip qaldym. Bir dosym áleýmettik jelide rezervtegi tanysyn úı alýymen quttyqtap jatyr eken. Maquldanǵandardyń ishinde meniń de aty-jónim tur. Sol kezde qýanyp, sener senbesimdi bilmeı, dosymnan "mynaý ras pa?" dep suraı berippin ǵoı. Aqparattyń rastyǵyna kóz jetkizip, almatyǵa qaraı qustaı ushtym. 5 jyl boıy aqsha jınap, 5 jyl boıy kútken armanymnyń qol sozym jerde turǵanyna tóbem kókke jetkendeı boldy. Almatyǵa kelip, maǵan berilgen joldamanyń bitýine alty-aq kún qalǵanyn kórip, dereý úı izdep, qujattardy daıyndap kelisim-shart jasap, áıteýir aınaldyrǵan eki aptanyń ishinde úıli bolyp shyǵa keldim. 1 bólmeli páterim ózime keń saraıdaı kórinedi, – deıdi ol.

 

Dana páterge aqsha jınaı bastaǵanda týystary men tanystary "qyz balaǵa úıdiń keregi ne?", "odan da sol aqshaǵa saıahattamaısyń ba?" dep aıtqan.

– Qazir oılap qarasam, úı degen kez kelgen ýaqytta adamǵa senimdi tirek bola alady eken. Turaqtaıtyn jeriń bar, qalasań sata alasyń. Sondyqtan baspana alý mańyzdy nárse dep oılaımyn. Úı alǵan soń adam túsinigi birden ózgerip ketedi eken. Mysaly, buryn dostarymyzben syrtta kezdeskendi, qydyrǵandy jaqsy kóretinbiz. Al qazir dostarymnyń kóbi úı alǵannan keıin apta saıyn demalysta bir-birimizdiń úıimizge jınalyp, otyrys jasaıtyn boldyq. Buryn qarajatymdy boıanatyn zattarǵa kóbirek jaratatyn bolsam, qazir úıge arnalǵan dúkenderdi kóbirek aralaımyn, – deıdi Dana.

23 jastaǵy boıjetken úıge qarjy jınaý jolynda óziniń qajetine jaraǵan keıbir keńester týraly da aıta ketti.

– Aqshany 2 kýrstan bastap jınadym. Bakalavrıatta aı saıyn 8500 teńgeden jınap otyrdym. Ony bitirgen soń, jumysqa turyp, depozıtke manaǵy somany eselep qoıa bastadym. Magıstratýraǵa túskennen keıin tipti úsh eselep quıyp júrdim. Qosymsha jumystardan aqsha túse qalsa, sony da sala qoıam. Negizi aqshany kúshti jınaı almaımyn. Meniń "fıshkam" kóbirek aqsha tabýda dep oılaımyn. Al kóp aqsha tabýdyń syry eshkimge "joq" dep aıta almaýymda. Mysaly, bireý bir jumysty "isteı alasyń ba nemese istep kórshi" dese "jaraıdy" deı berem. Sosyn kelisip qoıǵan soń sońyna deıin istep beresiń. Stýdent bolǵannan bastap gazet-jýrnal, neshe túrli saıtta da, telearna, radıo, kıno túsirilimi men tıpografııada da jumys istedim. Birneshe kitapqa redaktor boldym. Arasynda tapsyryspen maqala jazdym. Muny "aqsha tabam" dep emes, jańa tájirıbe dep qabyldadym. Qazir tegin nárse joq qoı, biraq az aqshaǵa da isteı beretinmin. Esesine sol kezdegi daǵdylar kóp nársege úıretip, qazir eńbegimniń qunyn laıyqty suraı bastadym. Aqshany árkim ártúrli jınaıdy, bireý únemdeıdi, bireý ınvestısııa quıyp, aqyldy túrde kóbeıtedi, keıbiri kóp aqsha tabady da, ózine jaratady. Meniki az-azdan, biraq úzdiksiz degen prosesspen jınaldy, – dedi ol.

Marhabat Ilııas

Almaty oblysy Raıymbek aýdany Qyzylshekara aýylynda týǵan. Ál-Farabı atyndaǵy Qazaq ulttyq ýnıversıteti jýrnalıstıka fakýltetin, Túrkııadaǵy Ankara Hadjy Baıram Velı ýnıversıtetin bitirgen. 2017-2018 jyldary Eýrazııa birinshi arnasynda redaktor bolyp istegen. 2018 jyly Qazaq Times saıtynda SMM maman bolǵan. 2021 jyldan beri Qamshy portalynda qyzmet atqarady.

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi
Ilmek sózder: Úı alý

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir