• USD 424.85

  • EUR 504.21

  • RUB 5.84

  • CNY 65.86

29 Qarasha, 11:46:33
Almaty
+4°

Foto: Qazaqstandaǵy adam quqyǵy jónindegi halyqaralyq bıýro saıty

Quqyqqorǵaýshy Baqytjan Tóreǵojına túrmedegi aqyn, belsendi, dıssıdent Aron Atabek bostandyqqa shyǵatynyn málim etti.
 
 
Quqyqqorǵaýshy Pavlodar qalasy №2 soty Aron Atabektiń densaýlyq jaǵdaıyn eskerip jazasynyń qalǵan merzimin 1 jylǵa probasııalyq baqylaýǵa almastyrǵanyn aıtady.
 
Sot habarlamasynda Aron Atabek omyrtqanyń moıyn bóligi omyrtqaaralyq dıskisiniń mıelopatııasymen zaqymdalýy, julynnyń moıyn bólimi deńgeıindegi degeneratıvti - demıelınızırleýshi aýrýy sekildi aıyqpas syrqatqa shaldyqqany jazylǵan.
 
Osylaısha, sot Aron Atabektiń jazany óteýge kedergi jasaıtyn aýyr naýqastan zardap shegetinine baılanysty qylmystyq kodekstiń 77-baby 2-bóligine saı, jazany neǵurlym jeńil jaza túrimen aýystyrý týraly sheshim shyǵarǵan.

"Zańda baıandalǵan mán-jaılar men prosesske qatysýshylardyń pikirin eskerip, sottalǵan tulǵaǵa bostandyǵyn shekteý jazasy 1 jyl merzimine probasııalyq baqylaý ornatý men mindetterdi júkteýine aýystyryldy" delingen sot habarlamasynda.

 
Baqytjan Tóreǵojına birer kún buryn ǵana Aron Atabek aýrýhanaǵa jatqyzylǵany týraly aqparat alǵanyn habarlaǵan. Oǵan deıin birneshe quqyqqorǵaýshy Aron Atabektiń densaýlyq jaǵdaıyn eskerip, oǵan raqymshylyq jasaý týraly prezıdent Qasym-Jomart Toqaevqa hat jazyp, qol jınaǵan.
 
Al 18 tamyz kúni Azaptaýǵa qarsy ulttyq aldyn alý tetigi tobynyń ókilderi Pavlodar oblysyndaǵy AP-162/1 túzetý mekemesinde jazasyn ótep jatqan aqynǵa barǵanynda  Aron Atabek top múshelerine densaýlyǵyna baılanysty shaǵym aıtqan.

Aron Atabek 15 jyldan beri túrmede otyr. Ol 2006 jylǵy "Shańyraq" oqıǵasynan keıin 18 jylǵa sottalǵan. Sot Atabekti "Shańyraq" oqıǵasy kezinde qaza tapqan polısııa qyzmetkeriniń ólimine aıypty dep tanyǵan.

 
"Qamshy" silteıdi
Ilmek sózder: Aron Atabek

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir