Foto: RIA Novostı
Reseı prezıdenti Vladımır Pýtın Qazaqstan atom elektr stansııasyn salsa, kadr daıarlaý isine kómektesýge daıyn ekenin jetkizdi. Bul týraly RIA Novostı habarlady.
Vladımır Pýtın kórshileri men odaqtastarynyń, sonyń ishinde Qazaqstannyń atom energetıkasyn damytýǵa qatysty josparlaryn muqııat baqylap otyrǵanyn aıtty.
– Eger sizder atom elektr stansııasyn salý týraly sheshim qabyldaıtyn bolsańyzdar, Reseı qazaqstandyq seriktesterine ony turǵyzý jáne eksplýtasııalaý isine kómegin usynady. Atap aıtqanda, respýblıkada reseılik dızaındaǵy AES qurylysy jaıly sóz bolýy múmkin. Biraq ol ǵana emes. Bul jerde tutas bir sala qurý týraly sóz qozǵalyp otyr. Oǵan Reseıdiń joǵary oqý oryndarynda atom energetıkasyn paıdalanýmen baılanysty jańa kadrlar daıarlaý da kiredi, – dedi Pýtın Qazaqstan men Reseı prezıdentteri qatysyp jatqan XVII О́ńiraralyq yntymaqtastyq forýmynda.
Onyń aıtýynsha, AES aýanyń lastanýyna az áser etedi, óıtkeni reseılik mamandar tıimdi gaz tazartý qurylǵylaryn ornatý arqyly tehnologııany jetildirip, atmosferaǵa zııandy zattardyń bólinýin barynsha azaıtýǵa qol jetkizip jatyr.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir