• USD 468.9

  • EUR 485.64

  • RUB 7.7

  • CNY 66.1

01 Jeltoqsan, 08:40:45
Almaty
-1°

Májilis tóraǵasy Nurlan Nyǵmatýlın azamattyq qoǵamnyń qorshaǵan ortany qorǵaýǵa qatysýynyń ashyq tetikteriniń qajettigine nazar aýdardy.

Búgin jalpy otyrysta depýtattar "Kaspıı teńiziniń teńiz ortasyn qorǵaý jónindegi negizdemelik konvensııaǵa Kaspıı teńizin jerústi kózderinen jáne qurlyqta júzege asyrylatyn qyzmet nátıjesinde lastanýdan qorǵaý jónindegi hattamany ratıfıkasııalaý týraly" zań jobasyn maquldady.

Hattama maqsaty – Kaspıı teńiziniń jerústi kózderinen jáne qurlyqta júzege asyrylatyn qyzmet nátıjesinde lastanýyn bolǵyzbaý, azaıtý, baqylaý jáne barynsha múmkin bolatyn joıý.

Osyǵan oraı, depýtattar Ekologııa, geologııa jáne tabıǵı resýrstar mınıstrligine halyqtyń Kaspıı teńizin qorǵaý jónindegi is-sharalarǵa qatysý tetikteri týraly máseleni qoıdy.

Nurlan Nyǵmatýlınniń aıtýynsha, jer qoınaýyn paıdalanýshylardyń kelisimsharttarynda kórsetilgen barlyq ekologııalyq mindettemeleri boıynsha tolyq jáne senimdi aqparat qoǵamnyń Kaspıı teńizin qorǵaýǵa da, jalpy qorshaǵan ortany qorǵaýǵa da qatysýy úshin basty shart bolady.

Palata spıkeri bul – qoǵamnyń Kaspıı teńizin qorǵaýǵa da, jalpy qorshaǵan ortany qorǵaýǵa da qatysýynyń basty sharty ekenin aıtty.

Jalpy alǵanda, Hattamada lastaný kózderin baqylaý jónindegi sharalarǵa negizdelgen óńirlik jáne ulttyq baǵdarlamalardy nemese is-qımyl josparlaryn qabyldaý kózdeledi.

Májilistiń baspasóz qyzmeti

"Qamshy" silteıdi
Ilmek sózder: Májilis

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir