Bıyl ashylǵan mektepter sıkli: «ali-t» aǵylshyn bastaýysh mektebi

Memleket basshysy Q.Toqaev óz Joldaýynda 2025 jylǵa deıin salynatyn mektep sanyn myńǵa jetkizýdi mindettep, mektepterdi salýǵa memlekettik bıýdjettermen qatar jeke sektordy da tartýdy tapsyrǵan bolatyn. Shymkent qalasynda bul baǵyttaǵy jumys qarqyn alyp, úshaýysymdy mektep máselesin sheshýde jekemenshik mektepterdiń de áseri bar.

Jan basyna qarjylandyrý arqyly QR bilim berý standartyna sáıkes jumys júrgizýdi bastaǵan bilim mekemesiniń biri – «Ali-T» aǵylshyn bastaýysh mektebi. 160 orynǵa shaqtalǵan mektepte qazir 154 bala bilim alýda.

Bastaýysh mektepte bekitilgen bilim standartyna saı 1-4 synyp oqýshylary aqysyz oqıdy. Ata-analardyń yńǵaıy boıynsha uzartylǵan kún toby aqyly júrgiziledi.

–Negizgi baǵytymyz aǵylshyn tilin tereńdetilip oqytatyn bolǵandyqtan uzartylǵan kún tobynda aǵylshyn tili, dúnıetaný jáne deneshynyqtyrý sabaqtary qaralyp, shet tilinde bilim alady. Búldirshinder túske deıingi bólimde tegin oqysa, olardyń úsh mezgil tamaǵy men qosymsha tereńdetilgen pánder aqyly bolady. Árıne, bul ata-analardyń yńǵaıyna qaraı amalǵa asady, -deıdi «Ali-T» bastaýysh mektebiniń quryltaıshysy Aıman Berdimbetova.

Aıta ketsek, mektep kompıýter men monobloktarmen, ınteraktıvti taqta, mýltımedıalyq synyptarmen jabdyqtalǵan. Arnaıy medısınalyq qyzmet kórsetý kabıneti de bar. Balalar qaýipsizdigin qamtamasyz etý úshin beıne baqylaý júıeleri ornatylǵan. Mektepte shyǵarmashylyq toptar men úıirmeler jumys isteıdi. Atap aıtar bolsaq, taekvondo, batýttyq akrobatıka, kórkem gımnastıka, shahmat, bı óneri, kórkem sýret t.b. úıirmelerde bala ózin-ózi damytýǵa múkindik alady.