• USD 424.85

  • EUR 504.21

  • RUB 5.84

  • CNY 65.86

27 Qarasha, 13:46:43
Almaty

Foto: Shymkent qalasy ákiminiń baspasóz qyzmeti

Shymkent qalasynda Týrızm jáne syrtqy baılanystar basqarmasynyń uıymdastyrýymen jáne Mádenıet, tilderdi damytý jáne arhıvter basqarmasynyń qoldaýymen «Shymkent 2200: Týrıstik kreatıvti qala beınesi» forým-kórmesi bastaý aldy. 27 qyrkúıek – Dúnıejúzilik týrızm kúnine oraı eki kúnge sozylatyn forýmnyń alǵashqysy «Qazaq aýylynan» bastaldy.

Sharaǵa qatysqan qala ákiminiń orynbasary Maqsut Isahov: Shymkent – týrıstik áleýeti joǵary, 2200 jyldyq tarıhy bar, elimizdegi óziniń tarıhı ózegin saqtap qalǵan biregeı qala. Elbasy Nursultan Ábishuly Nazarbaev óz Joldaýynda atap ótkendeı, álemdegi árbir onynshy jumys ornyn ashyp otyrǵan týrızm salasy kez kelgen óńir úshin perspektıvalyq tabys kózderiniń biri bolyp sanalady. «Shymkent 2200: týrıstik kreatıvti qala beınesi» is-sharasy týrıstik ındýstrııany damytýdyń básekege qabiletti jáne tabysty jobalaryn anyqtaýǵa jáne ózara tabysty yntymaqtastyq ornatýǵa taptyrmas alań bolady dep senemin», - degen pikirin bildirdi.

«Qazaq aýylyna» kelýshi Nur-Sultan qalasy jáne Almaty, Qyzylorda, Atyraý, Jambyl, Aqtóbe oblystarynyń týrıstik sala ókilderi shahardyń qolónershileri men sýretshileriniń týyndylarymen tanysyp, jergilikti as úı taǵamdarynan dám tatyp, teatrlandyrylǵan qoıylymdardy tamashalady.

Budan bólek, is-sharaǵa qatysýshylar Sıtadel kóne qalashyǵy, Saıram turǵyn alabyndaǵy Ibragım ata, Qarashash ana keseneleri, Báıdibek bı eskertkishi, «Qazyna» etno-kesheni, Jaılaýkól saıabaǵy, A. Asqarov atyndaǵy Dendrosaıabaqqa jáne arbat alańyndaǵy «Visit Shymkent» týrıstik aqparattyq ortalyǵynyń aqparattyq dúńgirshegi syndy birshama nysandaryn aralady.

Aıta keteıik, sharanyń ekinshi kúninde kelýshilerge arnalǵan forým ótedi. Forým aıasynda kreatıvti jobalardyń konkýrsy támamdalyp, medıa, IT-joba, kreatıvti arhıtektýra, týrızm salasyndaǵy kreatıvti qyzmetter, qalanyń qolóner brendi jáne gastronomııa baǵyttarynda úzdik jobalar marapattalatyn bolady. Jobalardy baǵalaý úshin Shymkent qalasynyń bıznes ókildikteri, týrızm salasynyń mamandary, zııaly qaýym ókilderi qazylyq etedi.

"Qamshy" silteıdi
Ilmek sózder: Shymkent

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir