Shymkenttegi kókónis saqtaý qoımalary qala aýmaǵynda óndiriletin ónimniń 80 paıyzyn saqtaýǵa qaýqarly

Qasym-Jomart Toqaev «Halyq birligi jáne júıeli reformalar – el órkendeýiniń berik negizi» atty Joldaýynda agroónerkásip keshenindegi qordalanǵan problemanyń biri azyq-túlik baǵasy men ony bólip-taratýdyń tıimsizdigi dep atap ótti. Sonymen birge kóterme taratý ortalyqtaryn qurý boıynsha berilgen tapsyrmanyń oryndalý jaıyn aıtqan bolatyn. Bul mindet Shymkent qalasynda qalaı júzege asyrylyp keledi.

Qalalyq aýyl sharýashylyǵy jáne veterınarııa basqarmasynyń aıtýynsha, Shymkent qalasyn Ortalyq Azııa aýmaǵynda iri kóliktik-logıstıkalyq haby retinde qalyptastyrý maqsatynda 2015 jyly 92 gektar jerge kólik-logıstıkalyq aımaǵy qurylǵan. Atalǵan aımaqta qazirgi kúni «Kazakhstan Logistic group» JShS, «Zerde» ǴО́B» jáne «Continental Logistics Shymkent» syndy úlken jobalar iske asyrylýda.

Aımaqta qurǵaq jáne klımattyq qoımalar, konteınerlik alań, temir jol tuıyǵy, ákimshilik turmystyq keshen, sondaı-aq kedendik rásimdeý ortalyǵy jumys isteıdi. Keleshekte osyndaı taǵy bir kóterme-taratý ortalyǵyn salý josparlanýda.

Budan bólek, qala turǵyndary úshin ár túrli taýarlardy qolaıly baǵada satyp alý úshin 11 myń sharshy metrdi quraıtyn «GraMaD» saýda ortalyǵynda kóterme-taratý ortalyǵy ashyldy. Ol qaladaǵy 1700-den astam saýda oryndaryn azyq-túlik, jemis-kókónistermen qamtamasyz etip keledi.

Sonymen qatar, qala aýmaǵynda jalpy syıymdylyǵy 108 myń sharshy metr bolatyn 14 saqtaý qoımasy ornalasqan. Onyń ishinde 6 klımattyq jáne 8 qurǵaq saqtaý qoımasy bar.

Sonymen qatar 2022-2024 jyldar aralyǵynda jańa 2 kókónis saqtaý qoımalaryn («KEREMET-SAPA» JShS, «GRAMAD RETAIL» JShS) salý kózdelýde.

Qazirgi tańda joǵaryda atalǵan kókónis saqtaý qoımalary qala aýmaǵynda óndiriletin kókónis ónimderiniń 80 paıyzǵa jýyǵyn saqtaýǵa qaýqarly.