Shymkentte qys maýsymyna daıyndyq jumystary qyzyp tur

Shymkentte qys maýsymyna daıyndyq jumystary qyzyp tur. Osy kezde atqarylǵan sharýalar úlken apatty aýyzdyqtaıdy. Sondyqtan jaýapty mamandar jumyla iske kirisken. Qaýiptiń aldyn alý maqsatynda tıisti sala basshylary bas biriktirip baspasóz brıfıngin uıymdastyrdy.

Baspasóz konferensııasyn ótkizýdiń maqsaty – Shymkent qalasynyń aýmaǵynda jylý berý maýsymynda halyqtyń ýly gazdan ýlaný faktilerin boldyrmaý, qaýipsizdik mádenıetin qalyptastyrý, úgit-nasıhat jumystaryn belsendetip, saqtyq sharalardy buqaralyq aqparat quraldary arqyly jetkizý.

О́tken jylý berý maýsymynda 2020-2021 jyly turǵyn úılerde 61 órt tirkelgen. Materıaldyq shyǵyn 132 mln. teńgeni qurady, 2 adam qaıtys bolyp, 4 adam jaraqat alǵan. Tirkelgen órtterdiń basym bóligi elektr jabdyqtaryn montajdaý jáne paıdalaný saldarynan oryn aldy 33 órt. Sondaı - aq joǵary kórsetkishter reıtıngisinde myna sebepter kórsetilip otyr: 22 órt halyqtyń otpen abaısyz paıdalaný, 6 órt balalardyń otpen oınaýy.

Turmystyq gaz qurylǵylaryn paıdalaný kezinde órt qaýipsizdigi talaptaryn buzý nátıjesinde jylý berý maýsymynda tabıǵı gazdan ýlanýdyń 5 oqıǵasy tirkelip, saldarynan 4 adam qaıtys bolyp (onyń ishinde 2 bala), 3 adam jaraqat aldy. О́tken maýsymmen salystyrǵanda ýlaný sany eki esege, qaza bolǵandar eki jarym esege, jaraqat alǵandar sany 33% - ǵa tómendegen. Ýlanýdyń negizgi sebepteri mynalar bolyp tabylady: gaz aspaptaryn montajdaýdyń buzylýy; aǵyndy sý jylytqyshtyń tútin murjasynda tartym joq; gofranyń durys jalǵanbaýy.

«Gaz jáne gazben jabdyqtaý týraly» 2012 jylǵy 9 qańtardaǵy № 532-IV Qazaqstan Respýblıkasy Zańynyń 7-baby 2-tarmaǵynyń 2-1) tarmaqshasyna sáıkes ónerkásiptik qaýipsizdik salasyndaǵy ýákiletti organnyń turmystyq jáne kommýnaldyq-turmystyq tutynýshylardyń gaz tutyný júıeleri men gaz jabdyǵyn qospaǵanda, gazben jabdyqtaý júıeleriniń turmystyq ballondary men obektilerin qaýipsiz paıdalaný talaptaryn saqtaý bóliginde gaz jáne gazben jabdyqtaý salasyndaǵy memlekettik baqylaýdy júzege asyrý jónindegi quzyreti aıqyndaldy. Quzyrly organdardyń qatysýymen zańnamalyq talaptaryn túsindirý jáne mindetterdi aıqyndaý maqsatynda dóńgelek ústelder men kezdesýler, jıyndar ótkizildi.

Halyqtyń arasynda qaýipsizdik mádenıetin qalyptastyrý maqsatynda úgit-nasıhat jumystary júrgizilýde. Is-shara barysynda gaz jáne gazben jabdyqtaý salasyndaǵy obektilerde órt qaýipsizdiginiń jaı-kúıi jáne qamtamasyz etilýi; Gaz jáne gazben jabdyqtaý salasyndaǵy obektilerde ónerkásiptik qaýipsizdik jáne turmysta gazdy paıdalaný kezinde qaýipsizdik talaptarynyń saqtalýy;gazben baılanysty ýlaný jaǵdaılary týraly jáne olardyń aldyn alý sharalary; gaz tutyný júıelerine tehnıkalyq qyzmet kórsetýdi júrgizý kezinde talaptardyń saqtalýy týraly túsindirme jumystary júrgizildi.