• USD 468.56

  • EUR 497.56

  • RUB 7.3

  • CNY 67.18

29 Naýryz, 19:37:51
Almaty
+35°

«Men qaýipsiz jaǵdaıdamyn». Shymkent qalasynda kovıdke qarsy vaksına saldyrǵan qala turǵyndaryna jas eriktiler osyndaı jazýmen bilezik syıǵa tartty. Mundaı erekshe is-shara bir mezette qaladaǵy úsh emhanada uıymdastyryldy.

Qala deńgeıinde ótken is-shara barysynda eriktiler 200 azamatqa osyndaı bilezik taratyp berdi. Uıymdastyrýshylar osylaısha ekpe alǵan turǵyndardyń qoǵamǵa qaýipsiz ekenin kópshilikke túsindirgisi keldi.

– Vaksına saldyrǵan soń 7 kúnnen keıin ımmýnıtet paıda bolady. Aýrý juqtyrǵannyń ózinde vaksına saldyrǵan adam ony jeńil ótkizedi. Mýtasııaǵa ushyraǵan koronavırýs asa qaýipti, áıtse de vaksınanyń kúshi vırýstyń áserin azaıtady. Koronavırýsqa qarsy vaksına qabyldaý – ómirińdi saqtaıdy, – deıdi is-sharaǵa qatysqan dáriger-ınfeksıonıst Janaıym Polat.

Aıta keteıik, egý naýqany bastalǵaly beri qalada 521 078 adam vaksına aldy. Onyń ishinde 420 725 adam vaksınanyń eki komponentin aldy. Qazirgi tańda qalada epıdemıologııalyq jaǵdaı turaqtalyp keledi. Degenmen, medısına mamandary bosańsýǵa bolmaıtynyn eskertýde. Barynsha saqtyq sharalaryn saqtap, karantın rejımin qatań ustanýǵa shaqyrady.

"Qamshy" silteıdi
Ilmek sózder: Shymkent

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir