Foto: Shymkent qalasy ákiminiń baspasóz qyzmeti
Qazirgi ýaqytta Shymkent qalasynyń Qarataý aýdany aýmaǵyndaǵy Turan shaǵynaýdanyn ınfraqurylym júıelerimen qamtý qurylysy qarqyndy júrip jatyr.
Qazirgi ýaqytta Shymkent qalasynyń Qarataý aýdany aýmaǵyndaǵy Turan shaǵynaýdanyn ınfraqurylym júıelerimen qamtý qurylysy qarqyndy júrip jatyr. Qala ákimi M.Áıtenov turǵyndarǵa jaıly jáne qolaıly ómir súrý ortany qalyptastyrý boıynsha tapsyrma bergen bolatyn.
Osyǵan sáıkes, qala ákiminiń orynbasary M.Aımanbetov shaǵynaýdanynda júrgizilip jatqan qurylys jumystarynyń sapaly júrgizilýin baqylaý maqsatynda jıyn ótkizdi. Jıynǵa qalalyq energetıka jáne ınfraqurylymdy damytý basqarmasynyń basshysy B.Býlatbekov, qurylys basqarmasynyń basshysy Á.Rabaev jáne merdiger mekeme ókilderi qatysty.
Búginde Turan shaǵynaýdanyn sapaly aýyz sýmen qamtý qurylysy tolyq aıaqtalǵan. Qazirgi ýaqytta turǵyn úılerdi sýǵa qosý jumystary júrgizilip jatyr. Sonymen qatar, elektr qýatymen qamtý qurylysy da qarqyndy júrgizilýde. Qurylys jumysy 2022 jyly aıaqtalyp, paıdalanýǵa berý josparlanǵan.
Sondaı-aq, Turan shaǵynaýdanynda barlyǵy 13 kósheniń qurylysy júrgizilýde. Jobaǵa sáıkes, jaıaý júrginshilerge arnalǵan aıaq jol, velojol jáne avtomobıl joldardyń syzbalary engizilgen. 2021 jyly №2,6,8,10 – barlyǵy 4 kósheniń jol qurylysy aıaqtalady. Qalǵan 9 kóshe qurylysy (№1,3,4,5,7,9,11,12,13) 2022 jylǵa ótpeli.
Qala ákiminiń orynbasary M.Aımanbetov merdiger mekeme basshylaryna jumystyń sapaly atqarylýyn jáne ýaqytynda aıaqtaýdy tapsyrdy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir