• USD 468.56

  • EUR 497.56

  • RUB 7.3

  • CNY 67.18

28 Naýryz, 16:04:09
Almaty
+35°

Foto: Shymkent qalasy ákiminiń baspasóz qyzmeti

Búgin qala ákimi Murat Áıtenov «Shymkent 2200: Týrıstik kreatıvti qala beınesi» forým-kórmesine qatysyp, barsha qala turǵyndaryn 27 qyrkúıek – Dúnıejúzilik týrızm kúni merekesimen quttyqtady.

«Memleket basshysy týrızm ındýstrııasy ekonomıkalyq ósimniń mańyzdy draıveri bolýy tıis ekendigin aıtty. Álemdegi kóptegen qalalardyń ekonomıkasy týrızm tabysynan quralady. Osy múmkindik Shymkent qalasynyń damý baǵdary bolýy kerek. Týrıstik kreatıvti qala qalyptastyrý boıynsha búgingi forým-kórmede qalamyzda týrızm ındýstrııasyn damytý múmkindikteri qarastyrylady. Qala aýmaǵynda ejelgi Saıram turǵyn alabynda sopylyq ilimniń negizin qalaýshy Q.Iаsaýıdiń týǵan jeri, sondaı-aq ata-anasy «Ibragım ata», «Qarashash ana» keseneleri ornalasqan. Sondyqtan ońtústik óńiriniń tarıhı-sakraldy týrızmine saıahat Shymkent qalasynan bastaý alady»,- dedi M.Áıtenov.

Forýmda kreatıvti ındýstrııalardy damytý jónindegi jobalyq keńseniń jetekshisi Danat Jýmın, «Salem Coffee» jáne «Global Coffee» kofehanalar jelisiniń negizin qalaýshy Aıat Azımov, Shymkent qalalyq «Atameken» kásipkerler palatasynyń dırektory Nurlan Qabyshtaev jáne basqa da týrıstik qyzmet kórsetetin kásip ókilderi jetistikterin aıtyp, ıdeıalarymen bólisti.

Is-shara aıasynda qalalyq týrızm jáne syrtqy baılanystar basqarmasy, Nur-Sultan qalasynyń ınvestısııalar jáne kásipkerlikti damytý basqarmasy, Qyzylorda oblysy kásipkerlik jáne týrızm basqarmasy, M.Áýezov atyndaǵy OQMÝ arasynda, sonymen qatar, «Visit Shymkent» týrıstik aqparattyq ortalyǵy men «Taraz týrızm», «OCA TRAVEL» týrıstik agenttigi arasynda eki jaqty kelisimge qol qoıylyp, jeńimpazdar marapattalatyn bolady.

"Qamshy" silteıdi
Ilmek sózder: Shymkent

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir