• USD 424.85

  • EUR 504.21

  • RUB 5.84

  • CNY 65.86

16 Qazan, 01:55:32
Almaty
+4°

Brıtanııalyq soǵys ushaqtar men kemeler toby Ońtústik Qytaı teńizine kirdi. Ulybrıtanııa koroldik áskerı-teńiz kúshteriniń aqparatynsha,  soǵys ushaqtaryn tasymaldaıtyn aǵylshyn áskerı kemesi Taıvan buǵazy arqyly júzip ótken. Bul týraly Germanııanyń DW basylymy habarlady.

"Shyǵys Qytaı teńizindegi seriktestermen jáne odaqtastarmen jumys istegennen keıin, biz qazir Taıvan buǵazy arqyly Vetnamǵa baramyz" dep jazdy áskerı ushaqtar tasymaldaıtyn soǵys kemesinen quralǵan Ulybrıtanııanyń áskerı soqqy toby.

Nemis basylymynyń aqparatyna sáıkes, Ulybrıtanııanyń áskerı kemesi Taıvan men kommýnıstik Qytaıdy bóletin tar sý joly arqyly birinshi ret ótken.

AQSh áskerı kemeleri buǵazda "navıgasııa erkindigi" bolýy kerek ekenin aıtyp, aımaqta jattyǵýlaryn únemi ótkizedi. Al, bul – Beıjińniń ashýyn týdyrady, óıtkeni Qytaı Taıvan men onyń aınalasyndaǵy teńiz aımaǵyn jáne Ońtústik Qytaı teńiziniń barlyǵyn talap etedi.

AQSh pen basqa da kóptegen elder bul jerlerdi barlyq kemeler úshin ashyq halyqaralyq aımaq retinde qarastyrady.

Sońǵy ýaqytqa deıin Vashıngton Taıvan buǵazy arqyly Beıjińge qarsy shyqqan negizgi kúsh boldy.

Kanada, Fransııa jáne Avstralııanyń áskerı kemeleri sońǵy jyldary Taıvan buǵazy arqyly júzip ótip, Qytaıdyń narazylyǵyn týdyrdy.

23 mıllıon halqy bar Taıvan bıligi avtorıtarly Qytaıdyń únemi basyp alý qaýpi astynda ómir súretinin aıtady, óıtkeni Beıjiń qajet bolǵan jaǵdaıda Taıvandi bir kúnde-aq basyp alatynyn jarııalaǵan.

Byltyr Qytaıdyń áskerı ushaqtary Taıvannyń qorǵanys aımaǵyna 380 ret shabýyl jasaǵan, al osy jyldyń segiz aıyndaǵy shabýyl sany 400-den asqan.

"Qamshy" silteıdi
Ilmek sózder: Ulybrıtanııa Qytaı

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir