• USD 424.85

  • EUR 504.21

  • RUB 5.84

  • CNY 65.86

16 Qazan, 03:01:31
Almaty
+4°

Aýyr atletıkadan 2016 jylǵy Rıo Olımpıadasynyń kúmis júldegeri Jazıra Japparqul exk.kz saıtyna bergen suhbatynda óziniń eshkimge kerek bolmaı qalǵanyn, marqum aýyr atlet Albert Lınderdiń qazasy, ulttyq quramadaǵy bylyqtar men dopıng daýyna qatysty oıyn aıtty. Sondaı-aq ol sońǵy jyldary sporttan kórinbeı ketýiniń sebebin túsindirdi. 

– 2016 jyly Rıo olımpıadasynda kúmis júlde enshiledim. Qanshama qoshemetke bólendim. Biraq úlken jetistiktiń artynda qanshama eńbek, quryǵan densaýlyq turatynyn bilseńizder ǵoı. Mende "gryja" bar edi. Tokıoǵa deıin sony emdetkim kelgen. Biraq osy tusta jalaqydan aıyrylyp qaldym. Iаǵnı, alǵashynda úsh jerden: Ulttyq olımpıada komıtetinen, Qazaqstan aýyr atletıka federasııasynan jáne Ońtústik Qazaqstan oblysynyń (qazirgi Túrkistan oblysy – red) sport basqarmasynan  jalaqy alyp turǵan edim. Árıne, eshkim mıllıon tólegen joq. Biraq Rıodan keıin bir jyldan astam jalaqy tólep turdy. Keıin qysqarta bastady. Eń sońynda múldem jalaqysyz qaldym, – dedi Jazıra Japparqul.

Jazıraǵa federasııa basshylarynyń biri  habarlasyp, oqý-jattyǵý jıyndaryna qatysty qujatqa qol qoıýyn ótingen. Sportshy qujatqa qol qoıǵannan keıin  jalaqysyn ala almaǵan.

 

– 2019 jyly meniń týǵan jerim Arys qalasynda jarylys bolǵanyn bilesizder. Sodan keıin qıraǵan úıler men nysandardyń ornyna jańa keshender turǵyzyldy. Sol kezde №2 olımpıadalyq sport mektebi janynan aýyr atletıka sport kesheni ashyldy. Meni qurmetti qonaq retinde shaqyryp, federasııadan da adamdar kelgen. Ulttyq qurama bapkeri Iýrıı Melnıkov da qatysty.

Osy saltanatty is-sharanyń qarsańynda federasııa basshylarynyń biri habarlasyp, "saǵan bir qujat jiberemin, soǵan qol qoıyp bershi" dep aıtty. Qandaı kelisim dep edim, oqý-jattyǵý jıyndarynda júrgenińdi rastaıtyn qujat dep túsindirdi. "Jaqsy" dep kelistim. Jibergen adamy asyǵyp turmyn dep, oqýǵa da múmkindik bermeı, qol qoıǵyzyp aldy. Sóıtsem, ol qujatta oqý-jattyǵý jıyndarynan shettetip, aılyq bermeıtini jazylǵan eken, – dep aıtty sportshy.

Osylaısha Jazıra Japparqul jumystan shettetilip, aqshasyz qalǵan. Odan soń sporshy elordaǵa baryp, Ulttyq olımpıada komıteti sport dıreksııasynyń basshysy Elsııar Qanaǵatovpen kezdesken. Keıin ol basshylyqqa osy kúnge deıin jalaqysyn qysqartyp kelgenin aıtyp, bul áreketteri durys emes ekenin jetkizdi.

– Biraq bul sózimnen nátıje bolmady. Basqa jerde jumys istemeıtinimdi, tek osy aqshaǵa qarap otyrǵanymdy da túsindirdim. Shamaly belimdi emdep, jaraqatymnan aıyǵýǵa ýaqyt suradym. Alaıda dym ózgermedi. Sodan sport jáne dene shynyqtyrý isteri komıtetiniń tóraǵasy – Serik Sápıevke, Túrkistan oblysynyń dene shynyqtyrý jáne sport basqarmasynyń basshysy bolǵan – Polat Qyryqbaevqa jáne federasııaǵa habarlastym. Qaqpaǵan esigim, baspaǵan taýym qalmady. Eshkim máseleni sheshken joq. Sosyn depressııaǵa túsip kettim.

Ol kisilerge eń bolmasa, jumys taýyp berińizder dep aıttym. Sportty biz sekildi álemdik básekelerdi baǵyndyrǵan sportshylar damytpasa, kim damytady dep aıttym. Sportty sportshy túsinedi. Qazir bizde kóp jerde sporttan habary joq adamdar otyr. Dırektor bolmasaq ta, bapker qylyp alsa da bolady ǵoı. Qolymyzdan kelgendi aıanbaıtyn edik. Talaı chempıondardy tárbıeleýge kúsh-qýatymyz jetedi ǵoı. Alaıda bizde bári kerisinshe. Salfetka sııaqty paıdalanyp, sosyn laqtyra salady. Myqty sportshylardyń barlyǵy fıtnes-klýbtarda júr. Osydan keıin elimizden qandaı chempıon shyǵady?, – dedi sportshy.

Jazıra Japparquldyń sonshama ataq-dárejesi bolǵanymen, eshkim sportqa jolatpaı qoıǵan.

– Sońǵy jyldary Qazaqstan birinshiligine qatyspaýym sebebi bar. Úıdegilermen aqyldastym. Anam maǵan: "Jalaqy tólep jatqan joq, beliń aýyrady. Barlyǵy laqtyryp ketti. Osymen sportty qoıyp, jattyqtyrýshylyqpen aınalys. Áıtpese, basqa jumysqa turǵanyń durys" dep aıtty. Sodan keıin jumys izdedim. 2,5 jyldyń ishinde birde-bir jer jumysqa almady.

Qazaq qyzdary arasynda Olımpıada oıyndarynda tuńǵysh kúmis medal alǵan menmin. Qazaqstannyń eńbek sińirgen sportshysymyn. Sondaı ataq-dárejem, tájirıbem bola tura, meni eshkim sportqa jolatpady. Meniń ózimdi osylaı kereksiz etti, basqalardy aıtpaı-aq qoısa da bolatyn shyǵar, – dedi ol.

Jazıra Japparqul qazirgi densaýlyǵy týraly aıta kele, sportpen birjolata qoshtasqanyn aıtty.

– Allaǵa shúkir, belim biraz jaqsardy. О́zim úshin jattyǵý jasap júrmin. Aýyr salmaqtar kóterýge shamam jete me, ol jaǵyn bilmeımin.  Sportpen qoshtastym. О́zderi laqtyryp ketti. Áıtpese, Tokıo Olımpıadasyna baramyn dep oılaǵan edim, – dedi sportshy.

Sportshy Ilıa Ilınniń "Chempıon kezinde qoshemetke bólenesiń, odan keıin eshimge kerek emessiń, laqtyra salady" degen sózdiń rastyǵyn aıta kele, Albert Lınderdiń óz-ózine qol jumsaýyna sebebine toqtaldy.

– 2016 jyly Rıo Olımpıadasyna bárimiz jaqsy daıyndaldyq. Aramyzda Albert te boldy. Sol kezde lısenzııalyq jarystyń qarsańynda ózimizdi tekserip alý úshin dopıng-baqylaýdan ótetinbiz. Bul Almatydaǵy ózimiz úshin jasalatyn tekseris. Albert úsh ret tapsyryp, úsheýinde de taza boldy. Al tórtinshisinde tyıym salynǵan preparat bar dep aıtady. О́te kúmándi jaǵdaı. Sóıtip, onyń ornyna Olımpıadaǵa Farhat Harkı men Arlı Chonteı bardy. Munyń bári onyń depressııaǵa túsýine áser etse kerek. Endi, mine, osyndaı qaıǵyly jaǵdaıǵa deıin jetti.

Sportqa kez kelgen adam kele bermeıdi. Chempıon bolý úshin adam ómirin, densaýlyǵyn sarp etedi. Albert Lınder tipti ómirin qurban etti. Men barlyq qıyndyqtan óttim. Endi sportqa jolaýǵa júregim daýalamaıdy. Tek jattyqtyrýshy nemese menedjerlik jumys bolmasa, – dedi ziltemirshi.

Aýyr atlet  aldaǵy josparymen bólisip, Shymkenttegi jastar mektebine jattyqtyrýshy bolyp kirgeli jatqanyn  aıtty.

– Jalaqymdy qaıtara ma, joq pa, ol jaǵyn bilmeımin. Men biraq sońyna deıin baramyn. О́ıtkeni bolashaqta osyndaı jaǵdaı basqa sportshylarda qaıtalanbaýy úshin sońyna deıin kúresemin. Kúnine eki ret jattyǵý jasaımyz. Densaýlyǵymyzǵa da ońaı emes. Beretin 300-400 myńnyń ózin osylaı istep otyr ǵoı. Soǵan qanaǵat ettik. Birde-bir aılyǵymyz az dep shaǵymdanǵanymyz joq. Eńbegimiz bar shyǵar. Nátıje kórsettik. Áıteýir 2-3 kúnde Shymkenttegi jastar mektebine jattyqtyrýshy bolamyn dep otyrmyn. Kóńilge medet bolyp turǵany sol ǵana, – dedi ol.

"Qamshy" silteıdi
Ilmek sózder: Jazıra Japparqul

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir