Pýtınge eskertý. AQSh dybystan bes ese tez soqqy beretin jańa qarýyn daıyndady

AQSh "gıperdybystyq zymyran" dep atalatyn dybystan bes ese tez ushatyn qarýdy sátti synady. "Vashıngton gıperdybystyq zymyran júıesin jetildirdi" dep habarlady Pentagonnyń qorǵanystyq zertteý jobalary agenttigi.

AQSh-tyń bul zymyrandyq júıesin amerıkalyq aeroǵarysh jáne qorǵanys alpaýyttary "Raytheon Technologies" jáne "Northrop Grumman" jasaǵan.

Zymyran qalaı synaldy?

О́tken aptada AQSh áýe kúshteriniń seriktestiginde júrgizilgen synaq kezinde zymyran ushaq qanatynyń astynan shyǵarylyp, birneshe sekýndtan keıin zymyran kúsheıtkishi ony dybys jyldamdyǵynan joǵary jyldamdyqpen ushyrdy.

Sodan keıin zymyranǵa "skramjet" dep atalatyn qosalqy qozǵaltqysh qosylyp, zymyrandy gıperdybystyq jyldamdyqpen ushyrady.

Gıperdybystyq jyldamdyq dybys jyldamdyǵynan bes ese tez.

Shildede Reseı "Sırkon" dep atalatyn kemedegi gıperdybystyq zymyrandy synaqtan ótkizgen. Bul qarýdy Reseı prezıdenti Vladımır Pýtın "álemde teńdesi joq jańa býyndy zymyran keshenderiniń bir bóligi" dep ataǵan.

"AQSh pen bizdiń odaqtastarymyz bul qarýdy toqtatý qabiletine jáne ony jeńý múmkindigine ıe bolýy kerek" dedi qarýdy jasaǵan "Raytheon Technologies" kompanııasynyń raketalar men qorǵanys bóliminiń prezıdenti Ýes Kremer.

2019 jyly "Raytheon Technologies" jáne "Northrop Grumman" kompanııalary gıperdybystyq qarýǵa arnalǵan qozǵaltqyshtardy jasap shyǵarǵan.

AQSh pen Reseıden bólek Qytaı, Fransııa jáne basqa da iri derjavalar ózderiniń gıperdybystyq qarý jasaý josparlaryn jarııalaǵan. tipti Qytaı ǵalymdary gıperdybystyq qarýdy jasap jatqany belgili boldy. Qytaılyq zymyran dybys jyldamdyǵynan alty ese jyldam ushady jáne qalanyń ústinde birneshe sekýnd ishinde hımııalyq jarylys jasaı alady degen aqparat bar.