28 Qyrkúıek, 2021 NEWS О́zgertý

Mıllıondaǵan qazaqstandyq AQSh-qa kirý múmkindiginen aıyrylmaq

Kórneki sýret

О́tken aptada AQSh jýyrda koronavırýsqa qarsy vaksına saldyrǵan saıahatshylar úshin el esigi aıqara ashylyp, pandemııa bastalǵaly engizilgen shekteý sharalary jeńildetiletinin málimdedi. Alaıda qarasha aıynda kúshine enetin erejege saı, elge tek dúnıejúzilik densaýlyq saqtaý uıymy tarapynan maquldanǵan vaksınalardy ekkizgen azamattar ǵana kire alady. Bul DDSU-nan tirkeýden ótpegen reseılik Sputnik V vaksınasyn saldyrǵan mıllıondaǵan adam úshin kedergi bolyp otyr, dep jazady Washingtonpost basylymy.

Qazirgi tańda DDSU amerıkalyq Pfizer, Moderna jáne qytaılyq Sinopharm men Sinovac vaksınalaryn tirkegen. Sońǵy eki vaksına Qazaqstanda qoldanylatyn vaksına tiziminde bar. Al Reseılik Sputnik V men otandyq QazVac halyqaralyq uıymda tirkelmegen.

Qyrkúıektiń basynda DDSU mıssııasy Qazaqstanǵa QazVac vaksınasyn tirkeý máselesi boıynsha keletini habarlanǵan. Ázirge is barysy týraly málimet joq.

Al Jahandyq densaýlyq saqtaý agenttigi Reseıdegi óndiristik tájirıbe men ónerkásip oryndaryna, sondaı-aq qajetti standarttarǵa saı turaqty vaksına óndirisi múmkindigine alaýdaýshylyq bildirip, osy aptada reseılik vaksınany tekserýdi toqtatqanyn málim etti.

Reseılik tikeleı ınvestısııalar qory Sputnik 4 mıllıard adam turatyn álemniń 70 elinde maquldanǵanyn, sondaı-aq klınıkalyq synaqtar arqyly da, ómirde qoldaný arqyly da óziniń tıimdi ári qaýipsiz ekenin dáleldegenin aıtyp, SOVID-19 aınalasyndaǵy máselelerdi saıasılandyrmaýǵa, tıimdi vaksınany qysqamerzimdi saıası jáne ekonomıkalyq paıda úshin dıskrımınasııalamaýǵa shaqyrdy.

Dıýk ýnıversıteti janyndaǵy Densaýlyq saqtaý salasyndaǵy jahandyq ınnovasııa ortalyǵy álem boıynsha Sputnik vaksınasynyń 448 mıllıon dozasy satylǵanyn atap ótti.

AQSh-taǵy jańa ereje boıynsha Sputnik vaksınasynan bólek, úndistandyq Kovaksına vaksınasyn saldyrǵandar da AQSh aýmaǵyna kire almaıdy. Búginde atalǵan vaksınanyń 560 mıllıon dozasy satylǵan.

28 qyrkúıektegi málimet boıynsha Qazaqstanda vaksınanyń I komponentin 7 560 935 adam, II komponentin 6 452 766 adam saldyrǵan. Vaksınalanǵan azamattardyń naqty qaı vaksınany saldyrǵany týraly aqparat joq. Alaıda olardyń basym kópshiligi reseılik vaksınany ekkizgen. Reseılik vaksınadan basqa vaksınalar Qazaqstanǵa shekteýli dozada ǵana bar.

Kóktemde Qazaqstan bıligi amerıkalyq Pfizer vaksınasyn elge jetkizý boıynsha kelissóz júrgizip jatqany habarlanǵan. Alaıda kelissózder nátıjesin aıaqtalǵan. Shildede Toqaev vaksına jetkizý atqarýshy bıliktegi sheneýnikterdiń kesirinen júzege aspaı qalǵanyn aıtyp, prezıdent ákimshiligine sátsizdikke jaýapty adamdardy jaýapqa tartýǵa tapsyrma bergen.

"Qamshy" silteıdi