Balqash turǵyny aqsha úshin áıelin jol apatyna túsirgen

Balqashta er adam jol apatyna túsken áıeline kómek kerek dep tanysyn aldap ketti. Bul týraly Polisia.kz habarlady.

20 qyrkúıekte 26 jastaǵy áıel Qaraǵandy ​​oblysy Balqash qalasynyń polısııa bólimine habarlasqan. Ol belgili bir azamattyń alaıaqtyq jolmen 15 myń teńgeni ıemdenip alǵanyn aıtqan.

Anyqtalǵandaı, áıeldiń tanysy – 31 jastaǵy er adam telefon shalyp, áıeliniń jol apatyna ushyraǵanyn, oǵan shuǵyl kómek qajet ekenin aıtqan. Oǵan sengen jábirlenýshi er adamǵa termınal arqyly 15 myń teńge aýdarǵan.

Eki kúnnen keıin jol apatyna tústi degen áıeldi kóshede kezdeısoq kezdestirip qalady. Sol kezde óziniń aldanǵanyn túsingen áıel tanysynyń alǵan aqshany óz maqsatyna jumsaǵanyn bilgen. QR QK 190-baby (Alaıaqtyq) boıynsha qylmystyq is qozǵaldy. Qazirgi ýaqytta tergeý júrip jatyr.