Qazaqstannyń eki oblysynda karantın sharalary ózgertildi

Qaraǵandy jáne Jambyl oblysynyń bas sanıtar dárigerleri karantın sharalaryna ózgeris engizdi.

Qaraǵandy oblysynyń  bas sanıtar dárigeri Iý. L. Zalygın 27 qyrkúıekte karantın sharalaryna qatysty jańa qaýly jarııalady.

Qaýlyǵa sáıkes tómendegi obektiler "Ashyq" jobasymen jumys isteýdi jalǵastyrýǵa tıis:

• ıoga ortalyqtaryn qosa alǵanda, fıtnes-klýbtar, spa-ortalyqtar, monshalar, saýnalar, basseınder;
• PlayStation klýbtaryn qosa alǵanda, kompıýterlik, boýlıng klýbtary;
  kınoteatrlar, teatrlar men fılarmonııalar;
• strıt-fýdtardy qospaǵanda, qoǵamdyq tamaqtaný obektileri, jazǵy alańdar, fýd-korttar, banket zaldary;
• ashana tıpindegi qoǵamdyq tamaqtaný obektileri;
• oblysaralyq jáne qalalyq turaqty emes (týrıstik) tasymaldar;
• bılıard klýbtary, konsert zaldary;
• karaoke, kórmeler, okeanarıým, marafondar;
• kórermender qatysatyn sporttyq is-sharalar;
• áýejaılar;
• lotereıa klýbtary jáne lotereıa satatyn ózge de oryndar;
• balalardyń (jabyq) oıyn-saýyq ortalyqtary, sırkter;
• otelder, qonaq úıler;
• halyqqa qyzmet kórsetý ortalyqtary, temir jol vokzaldary jáne
• avtovokzaldar;
• (jabyq) bazarlar, saýda-oıyn-saýyq ortalyqtary, (azyq túlik emes) saýda úıleri, saýda jelileri;
• sulýlyq ortalyqtary men salondar, shashtarazdar, manıkıýr men pedıkıýr qyzmetterin kórsetý, kosmetıkalyq jáne kosmetologııalyq qyzmetter kórsetý salondary;
• dinı obektiler.

Jambyl oblysynyń bas sanıtar dárigeri B.Shınalıevtiń qaýlysy boıynsha tómendegideı shekteý sharalary qabyldandy.

Qujatqa sáıkes:

• Oıyn-saýyq, sporttyq is-sharalardy (jabyq nysandarda), forýmdardy, konferensııalardy, sondaı-aq otbasylyq, saltanatty, estelik is-sharalardy (banketter, úılený toılary, mereıtoılar), onyń ishinde úıde jáne adamdar kóp jınalatyn ózge de is-sharalardy karantın talaptary boıynsha ótkiziledi;
• 5 jasqa deıingi balalardy, sondaı-aq, qoǵamdyq tamaqtaný oryndarynda tamaqtaný jaǵdaılaryn qospaǵanda, qoǵamdyq oryndarda jáne úı-jaılarda, qoǵamdyq kólikte áleýmettik qashyqtyqty saqtaı otyryp, betperde kııý talaptaryn saqtaý qajet;
• jumys kúnderi "Ashyq" jobasyna qatysýshy barlyq obektiler saǵat 00.00-ge deıin, "Ashyq" jobasynyń kóshbasshylary saǵat 02.00-ge deıin jumys isteıdi.