Germanııada sosıal-demokrattar bılikke kelýi múmkin

Aldyn ala nátıjeler boıynsha Germanııanyń solshyl sosıal-demokrattary eldegi federaldy saılaýda kansler Angela Merkeldiń partııasynan basym túsip, jeńip kele jatyr.

Sosıal-demokrattar 25,7% daýys jınady, al Merkeldiń konservatıvti partııa blogy (Hrıstıan-demokratııalyq odaǵy jáne hrıstıan-áleýmettik odaǵy) 24,1% daýysqa ıe boldy.

Al, "Jasyldar" partııasy óz tarıhyndaǵy eń jaqsy nátıjege qol jetkizip, 14,8% daýyspen úshinshi orynǵa shyqty.

Endi úkimet jasaqtaý úshin koalısııa qurý kerek.

Sosıal-demokrattar kóshbasshysy Olaf Shols buǵan deıin óz partııasynyń eldi basqarýǵa aıqyn mandaty bar ekenin aıtqan.  

Qazirgi kansler koalısııa qurylmaıynsha eshqaıda ketpeıdi. Al, koalısııa Rojdestvoǵa týra kelýi múmkin.