• USD 468.56

  • EUR 497.56

  • RUB 7.3

  • CNY 67.18

29 Naýryz, 09:51:42
Almaty
+35°

Bilim jáne ǵylym mınıstri Ashat Aımaǵambetov Almaty qalasyndaǵy mektepter men joǵary oqý oryndaryna baryp, pedagogtarmen, vedomstvolyq baǵynysty JOO-nyń rektorlarymen jáne ǵylymı-zertteý ınstıtýttarynyń basshylarymen kezdesken. Bul týraly ol áleýmettik jelidegi paraqshasynda jazdy. 

– Mektepke barǵan kezde kúzet júıesiniń, beınebaqylaý kameralarynyń jumysymen, dabyl túımeleriniń, týrnıketterdiń ornatylýymen jáne t.b. tanystym. Mektepter, kolledjder, JOO basshylaryna jáne ákimdikter men mınıstrlikke balalarymyzdyń qaýipsizdigin arttyrý boıynsha jumysty kúsheıtý qajet, – dedi mınıstr.

Ol sońǵy qaıǵyly oqıǵalar máseleniń ózektiligi men mańyzdylyǵyn kórsetkenin atap ótti.  

– Bul sharalardan bólek tárbıe jumystaryn da júrgizý qajet.  Psıhologtar men áleýmettik pedagogterdiń jumysy, sonymen birge balalardy fors-majorlyq áreketter týraly habardar etý mańyzdy.

Mektep dırektorlarymen kezdesý kezinde attestasııa, basshylar rotasııasy, ádistemelik jumysty uıymdastyrý máseleleri de talqylandy. Biz Joldaý aıasynda aıtylǵan Prezıdent tapsyrmalarynyń naqty qalaı júzege asyrylatynyna jeke toqtalyp óttik.  Mektep dırektorlary kóptegen jaqsy usynys pen ıdeıa aıtty, biz olardy aldaǵy jumysymyzda eskeremiz.

Jalpy, muǵalimdermen jáne mektep dırektorlarymen sóılese otyryp, suraqtardyń mazmuny, mysaly, 1 jyl buryn qoıǵan suraqtarǵa qaraǵanda ózgergenin baıqadym jáne bul qýantarlyq jaǵdaı. Byltyr kún tártibinde turǵan máselelerdiń basym kópshiligi sheshimin tapty, – dep aıtty Aımaǵambetov.

Mınıstrdiń sózinshe, dástúrli formatqa oralý máselesi talqylanǵan. Ustazdar oqýshylardyń jalpy sanynyń syrqattanýshylyq deńgeıi qashyqtan oqytýǵa ótinish bergenderdiń kórsetkishinen áldeqaıda tómen ekenin aıtqan. 

– Mektep oqýshylary men ata-analardyń basym kópshiligi oflaın rejımde oqýǵa rıza. Bul bilim sapasyna, balalardyń emosıonaldy jaǵdaıyna jáne olardyń densaýlyǵyna oń áser etedi, – dedi ol.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir