"Jańbyr, qar, úsik". Qazgıdromet aldaǵy aýa raıy boljamyn jarııalady

Qazgıdromet sınoptıkter 25-27 qyrkúıekke arnalǵan aýa raıy boljamymen bólisti.

Demalys kúnderi respýblıkanyń basym bóliginde turaqsyz aýa raıy kútiledi. Buǵan eki sıklonnyń (soltústik-batys jáne ońtústik) birigýi yqpal etedi. Soltústik aýmaqta jáne shyǵysta jańbyrdyń arty qarǵa ulasady. Jel kúsheıip, túnde jáne tańerteń tuman kútiledi.

"Respýblıkanyń batysynda aýa temperatýrasy túnde 7-15 aralyǵynda bolsa, kúndiz 15-25-ten 10-20 gradýsqa deıin tómendeıdi. Soltústik-batysta túnde mınýs 3 +5 gradýstan plıýs 3-11 gradýsqa deıin jylynsa, kúndiz kerisinshe +13-23-ten +3-13 gradýsqa deıin salqyndaıdy.

Eldiń soltústiginde jáne ortalyǵynda túnde termometr 2-7 gradýsqa tómendeıdi. Al respýblıkanyń shyǵysynda 5 gradýs úsik júrip, kúndiz 7-17 gradýs jyly bolady. Ońtústikte jáne ońtústik-shyǵysta aýa temperatýrasy kúndiz 18-25 gradýsqa deıin joǵarylaıdy" dep jazylǵan habarlamada.