Týrıstik polısııa bir aıda 1000-ǵa jýyq azamatqa qyzmet kórsetti

Shymkent qalasyna kelýshi qonaqtar men qala turǵyndaryna qolaıly jaǵdaı jasaý maqsatynda birqatar jobalar júzege asyrylyp jatyr. Sonyń biri - Týrıstik polısııa qyzmeti. Týrıstik polısııanyń basty mindeti týrısterge quqyqtyq kómek kórsetýge baǵyttalǵan. Tártip saqshylary saǵat 09:00-den 01:00-ge deıin úsh aýysymmen qyzmet kórsetedi. Arbat, Ortalyq saıabaq, Naýryz alańy, Qoshqar ata ózeniniń jaǵalaýy sııaqty týrıster kóptep kezdesetin oryndarda júredi.

Eger týrıst óz qujattaryn joǵaltsa nemese qandaı da bir oqıǵa oryn alsa polısııa qyzmetkerleri kómek kórsetedi. Sondaı-aq, turǵyndar men kelgen týrısterge qyzyqtyrǵan suraqtar boıynsha keńester men aqparattar beredi. Sheteldikter men ınvestorlardy tartý úshin shetel azamattarynyń elimizge kelgen kezdegi qaýipsizdigi men jaılylyǵyn qamtamasyz etý qyzmetin atqarady. Týrısterdiń qaýipsizdigin qamtamasyz etý qolaıly ınvestısııalyq klımattyń ornaýyna oń áserin tıgizedi. Týrıstik polısııanyń qyzmetine sońǵy bir aı ishinde 1000-ǵa jýyq azamat júgingen.

Týrıstik polısııa qyzmetkerleri beınetirkeýishtermen, planshettermen, rasııamen jabdyqtalǵan. Olar qazaq, orys, aǵylshyn tilderin jáne elimizdiń tarıhyn jetik meńgergen. Qyzmette adamdarmen tez til tabysa biletin jáne jedel áreketke árdaıym daıyn bolý syndy qabiletterge ıe bolýy mańyzdy.