Foto: Shymkent qalasy ákiminiń baspasóz qyzmeti
Shymkent qalasy Ál-Farabı aýdany ákiminiń orynbasary M.Tájibaev aýdandaǵy monıtorıng toptyń atqarǵan jumystaryn qorytyndylady. Onyń aıtýynsha, aýdanda 1700 kásipkerlik nysan «Ashyq» júıesine qosylǵan.
– Aýdanda karantındik talaptardyń buzylýy anyqtalǵan jaǵdaıda ákimshilik sıpattaǵy sharalardy qoldaný boıynsha is-qımyl algorıtmi bekitilgen. Reıd jumystaryn júrgizý úshin jyl basynan aýdanda 6 monıtorıngtik top jumys atqaryp keledi. Júıeli jumystyń arqasynda jyl basynan beri 31 174 kásipkerlik nysan tekserilip, onyń 513-ne aıyppul salyndy, – dedi aýdan ákiminiń orynbasary.
Sondaı-aq, monıtorıngtik toppen kúndelikti nysandardy aralaý barysynda 98 toı-tomalaq toqtatyldy. Búginde Ál-Farabı aýdany aýmaǵynda ornalasqan 15 toıhanaǵa jol-patrýldik polısııa qyzmetkerlerinen qurylǵan arnaıy ekıpajdar atalǵan nysandardy táýlik boıy baqylaıdy.
Jıyn barysynda monıtorıng top jumysynyń tıimdiligin arttyrý men ákimshilik sıpattaǵy sharalardy qoldaný boıynsha usynystar aıtyldy. Oǵan aýdandyq prokýratýra, aýdan ákimdigi qyzmetkerleri, monıtorıng top músheleri, aýdandyq polısııa basqarmasy, tótenshe jaǵdaılar departamenti, sanıtarlyq epıdemıologııalyq basqarmasynyń ókilderi qatysty.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir