• USD 424.85

  • EUR 504.21

  • RUB 5.84

  • CNY 65.86

16 Qazan, 01:39:17
Almaty
+4°

Foto: Shymkent qalasy ákiminiń baspasóz qyzmeti

Shymkent qalasynda jaryqtandyrý jáne jaıaý júrginshilerdiń qaýipsizdigin qamtamasyz etý baǵytynda zamanaýı energııa únemdegish LED shamdary ornatylýda.

Kóshe shamdaryn qaıta jańartý jumysy barysynda 1 727 jaryq sham men 643 elektr baǵanasy aýystyrylyp, 84 shaqyrymǵa jer asty kabelin tartý josparlanyp otyr. Rekonstrýksııa jumysy qazir Jeltoqsan, Ǵ.Ilıaev pen B.Momyshuly kóshelerinde bastalǵan. Atap aıtqanda, Jeltoqsan kóshesinde qazir 116 jaryq sham aýystyrylyp, 2,9 shaqyrymǵa jer asty kabeli tartylýda.

Energetıka jáne ınfraqurylymdy damytý basqarmasynyń dereginshe, jyl sońyna deıin 30 kóshedegi túngi jaryq shamdar tolyq jańaryp, LED shamdary ornatylady. Jaryq shamdary qaıta jóndeletin kósheler ishinde Temirlan tas joly, Respýblıka dańǵyly men Gagarın, Túrkistan, Tóle Bı sekildi qalanyń basty kóshelerimen birge eldi mekendegi kósheler de bar.

Odan bólek, qalamyzda aǵymdaǵy jyly 104 kóshede jańa jaryqtandyrý júıesin ornatý jumystary bastalsa, onyń 51 kóshesinde qurylys jumystary aıaqtaldy.

"Qamshy" silteıdi
Ilmek sózder: Shymkent

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir