• USD 424.85

  • EUR 504.21

  • RUB 5.84

  • CNY 65.86

09 Jeltoqsan, 01:26:46
Almaty
+2°

Shymkent qalasynyń «Shapaǵat» áleýmettik qyzmetter kórsetý ortalyǵy janynan ashylǵan «TEN QOGAM» sektory múmkindigi shekteýli azamattardy áleýmettik qorǵaý baǵytynda jumys isteıdi.

Bıyl 1 shildede ashylǵan keńes berý sektory búginge deıin jalpy 3 377 múmkindigi shekteýli azamatqa áleýmettik máseleler boıynsha qyzmetter kórsetti. Máselen, áleýmettik qyzmetter portalyn qoldanýda kómek berý, múmkindigi shekteýli jandardy jumysqa qabyldaý boıynsha keńes berý, jekeleı súıemeldeý, psıhologtyń kómegi jáne t.b., baǵytta jumystar júrgizdi.

Atalǵan qyzmetterdiń ishinde sanatorlyq-kýrorttyq emdelýge joldama alýǵa ótinish tastaǵandar sany – 1840, al joldama alǵan múgedektigi bar azamattar sany – 1406. Múmkindigi shekteýli azamattarǵa arnalǵan áleýmettik qyzmetter portaly arqyly mindetti gıgıenalyq quraldar alýǵa 89 ótinish qabyldandy. Sonymen birge, psıhologııalyq keńes alǵandar – 15 azamat.

Eńbekke qabiletti múmkindigi shekteýli azamattardyń «Eńbek» memlekettik baǵdarlamasy aıasynda jumyspen qamtý jumystary júzege asyrylýda. Baǵdarlamanyń III baǵyty «Jastar praktıkasy» boıynsha 5 azamat ýaqytsha jumysqa ornalasty.

Atalǵan áleýmettik keńes berý sektoryna júginip, jumyspen qamtylǵan azamattardyń biri – Sardor Baıahmatov. Ol – III top múgedegi. Qala turǵyny byltyr Saıram medısınalyq kolledjin «Feldsher» mamandyǵy boıynsha bitirgen. Jas maman «Ten qogam» sektorynyń ashylǵany týraly estip, múmkindigi shekteýli azamattardyń jumysqa ornalasýy boıynsha keńes alýǵa kelgen. Keıinnen mamandar «Jastar praktıkasy» baǵdarlamasy aıasynda jumys usynǵan soń, nátıjesinde 2021 jyldyń tamyz aıynda «№12 qalalyq emhanaǵa» feldsher mamany retinde jyl sońyna deıin jumysqa joldandy.

Múgedektigi bar azamattar http://aleumet.egov.kz siltemesimen «Áleýmettik qyzmetter portaly» arqyly tehnıkalyq ońaltý quraldarynyń 55 túrine jáne túrli qyzmetterge onlaın tapsyrys bere alady. Portal múmkindigi shekteýli azamattarǵa úıinen shyqpaı ESQ kómegimen kóptegen múmkindik usynyp otyr. Portal arqyly tańdalǵan taýar azamattyń úıine jetkiziledi nemese qoımadan ózi alyp kete alady.

"Qamshy" silteıdi
Ilmek sózder: Shymkent

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir