Foto: Shymkent qalasy ákiminiń baspasóz qyzmeti
Shymkent qalasynda tirek-qımyl apparaty zaqymdanǵan jáne kórý qabileti nashar sportshylar arasynda elimizdiń VI Spartakıadasy bastaldy. Jarys paralımpıadalyq emes 5 sport túrinen – doıby, shahmat, toǵyzqumalaq, karate jáne arbada bıleý syndy baǵdarlama boıynsha ótedi. Saıysqa elimizdiń barlyq óńirinen 300-den astam sportshy qatysady.
Shymkent qalasy ákiminiń orynbasary Maqsut Isahov saıystyń ashylý rásimine qatysyp, sportshylarǵa sáttilik tiledi.
Jarys 21-25 qyrkúıek aralyǵyna josparlanǵan. Tartysty básekeler «Kórme» ortalyǵy men Shymkent qalalyq keshendi joǵary sport sheberligi mektebinde ótedi.
21 qyrkúıek kúni barlyq sport túri boıynsha irikteý básekeleri bastaý aldy. Jeńimpazdar men júldegerler 25 qyrkúıek kúni anyqtalady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir