• USD 424.85

  • EUR 504.21

  • RUB 5.84

  • CNY 65.86

16 Qazan, 03:30:24
+3°

Foto: Shymkent qalasy ákiminiń baspasóz qyzmeti

Mektep oqýshylaryn jan basyna qarjylandyrýdyń tıimdi tusy kóp.Ol,básekelestikti arttyryp, bilim sapasynyń jaqsarýyna septigin tıgizipti. Tipti osy qarjynynyń esebinen bilim oshaqtarynyń materıaldyq tehnıkalyq jaǵdaıy dajaqsarǵan. Bul týraly «Nur Otan» partııasy Shymkent qalalyq fılıalyjanyndaǵy Bilim jáne ǵylymdy damytý jáne Otbasy, áıelder máseleleri jáne balalardyń quqyqtaryn qorǵaý jónindegi aımaqtyq qoǵamdyq keńestiń kezekti otyrysynda aıtyldy.

Jyl saıyn Shymkentte mektepke baratyn oqýshylardyń sany artyp keledi.Bıylǵy jyldyń ózinde 50 jeke menshik mektep ashylǵan. Ár bala basyna qarjy bólinipti. Aldaǵy ýaqytta megapolıstaǵy bala sany az mektepterdiń basshylyǵyn biriktirý de josparda bar eken. Bul arqyly bólingen qarjyny tıimdi jumsaý kózdelip otyr.

«Jeke menshiktegi 1-4 synyptarǵa 380 mln teńge.5-9 synyptarǵa bir jylǵa 560 myń teǵge, 10-11 synyptarǵa 630 myń teńge bólindi. Bul qarjylarǵa eń aldymen eńbekaqy men materıaldyq jaǵdaı jaqsartyldy» ,- deıdi Shymkent qalalyq bilim bóliminiń basshysy Janat Tájıeva.

Jıyn barysynda bilim salasyndaǵy ózekti máseleler de aıtyldy. О́kinishtisi, aýtıst balalardyń sany artqan. Olarmen jumys isteıtin maman joqtyń qasy. Sonymen qatar, bastaýysh synyptardaǵy orys tili muǵalimderiniń sany jetispeıdi eken. Al, mekteppen qamtamasyz etý máselesine jeke kásipkerlerdi tartý arqyly bul máselege aldaǵy birneshe jylda núkte qoıylmaq.

«Nur Otan» partııasy Shymkent qalalyq fılıaly janyndaǵy Bilim jáne Ǵylymdy damytý jónindegi aımaqtyq qoǵamdyq keńestiń tóraıymy Barshagúl Isabektiń aıtýy boıynsha úsh aýysymdaǵy mektepti joıý kózdelgen bolatyn. Dál qazirgi ýaqytta 14 ten 9 ǵa tústi. Al, 2023 jyl úsh aýysymdy mektepterdiń máselesi tolyq sheshiledi. Shymkentte 2 apatty mektep bolatyn, onyń bireýi jabdyqtalýdan ótti.

Bilim basshysynyń aıtýynsha mektepterdi jańa tehnologııamen jabdyqtaý qarqyn alǵan. Oqýlyqtarmen qamtamasyz etý de jolǵa qoıylǵan. Kórý qabyleti nashar oqýshylarǵa qajetti oqýlyq úshin qomaqty qarjy qarastyrylǵan.

"Qamshy" silteıdi
Ilmek sózder: Shymkent

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir