Shymkent qalalyq №2 aýrýhana zaman talabyna saı jańǵyrtylǵan

Shymkent qalalyq №2 aýrýhana qalypty jaǵdaıda jumys isteýge kóshti. Buǵan deıin elimizdegi qalyptasqan jaǵdaıǵa baılanysty medısınalyq ortalyq ǵasyr dertine shaldyqqandardy emdeýge negizdelgen bolatyn. Mekeme endi túrli naýqastardy qabyldap, em-dom júrgizetin bolady. Qala ákiminiń birinshi orynbasary Shyńǵys Muqan aýrýhananyń qazirgi jaǵdaıymen arnaıy tanysyp shyqty.

Kópshilikke buǵan deıin Fosfor ataýymen tanymal №-2 qalalyq aýrýhana tolyqtaı kúrdeli jóndeýden ótip, zaman talabyna saı jańǵyrtylǵan bolatyn. Mekemedegi KT kabınetteri men jansaqtaý bólimderi de sońǵy úlgidegi qurylǵylarmen jabdyqtalǵan. Aýrýhana karantın sharalary kúsheıgen jaz ýaqytynda qatań tártipte jumys istep, 10 shilde men 17 qyrkúıek aralyǵynda koronavırýs ınfeksııasyn juqtyrǵandardyń emdeý ortalyǵyna aınaldy.

Búgingi tańda Shymkent qalasyndaǵy epıdemıologııalyq ahýal turaqtalyp, indet juqtyrǵandar azaıyp , ınfeksııalyq stasıonarlar jabyldy. Degenmen, árdaıym daıyndyqty pysyqtap otyrý qajet, – deıdi Shyńǵys Jumabekuly.

Aýrýhana dárigerleri úsh aıǵa jýyq ýaqyt aralyǵynda koronavırýs indettin juqtyrǵan naýqastarǵa medısısnalyq kómek kórsetti. Kún-tún demeı eńbek etken medısına qyzmetkerleriniń eńbegin erekshe atap ótken jón. Qazir aýrýhana josparly túrde naýqastardy qabyldaýda. Munda jetkizilgen pasıentter kovıdke analız tapsyryp, nátıjesi daıyn bolǵansha arnaıy aımaqta bolady.