«Jer-2021» halyqaralyq komandalyq-shtabtyq oqý-jattyǵýy ótýde

Shymkent qalasynyń Tótenshe jaǵdaılar departamenti QR Tótenshe jaǵdaılar mınıstriniń uıymdastyrýshylyq nusqaýlaryna sáıkes, «Jer-2021» halyqaralyq komandalyq-shtabtyq oqý-jattyǵýyna qatysýda. Oqý-jattyǵý 2021 jyldyń 21-22 qyrkúıek aralyǵynda Almaty oblysynda ótedi.

Shymkent qalasynyń Tótenshe jaǵdaılar departamenti QR Tótenshe jaǵdaılar mınıstriniń uıymdastyrýshylyq nusqaýlaryna sáıkes, «Jer-2021» halyqaralyq komandalyq-shtabtyq oqý-jattyǵýyna qatysýda. Oqý-jattyǵý 2021 jyldyń 21-22 qyrkúıek aralyǵynda Almaty oblysynda ótedi.  

Oqý-jattyǵýdyń negizgi maqsaty – tótenshe jaǵdaılardyń aldyn alý jáne olardy joıý jónindegi is-qımyldarǵa Azamattyq qorǵaýdyń memlekettik júıesin odan ári jetildirý, sondaı-aq joıqyn jer silkinisi týyndaǵan kezde TJ joıýǵa  azamattyq qorǵaýdyń basqarý organdaryn, kúshteri men quraldaryn daıyndaý.

Halyqaralyq deńgeıde ótip jatqan oqý-jattyǵýǵa О́zbekstan, Qyrǵyzstan, Armenııa, Reseı, Belarýs memleketteriniń TJ mınıstriligi jáne Tájikstan Respýblıkasynyń TJ komıteti qatysýda.   Shymkent qalasynyń TJ departamentiniń kúsh jáne quraldaryn qala ákiminiń orynbasary M.Aımanbetov, departament bastyǵynyń orynbasary azamattyq qorǵaý polkovnıgi Amanbek Beısembaev basqarýda. Shymkent qalasynyń kúsh jáne quraldary Almaty oblysyndaǵy «Jartasty qala-Astana» oqý – jattyǵý polıgonynda Almaty qalasynda bolýy múmkin jer silkinisi kezinde ózara kómek kórsetý is-áreketterin pysyqtaıdy.  

Oqý-jattyǵý ótkizý ornynda jedel shtab qurylyp, joıqyn jer silkinisi qateri jáne týyndaýy kezinde den qoıý, tótenshe jaǵdaılardyń aldyn alý jáne olardy joıý kezinde azamattyq qorǵaýdyń baǵynysty kúshteri men quraldary  is-qımyldarynyń úılesimdigi men ózara is-qımyldy jetildirýi naqtylanady.