21 Qyrkúıek, 2021 NEWS
Foto: Shymkent qalasy ákiminiń baspasóz qyzmeti
Shymkentte bıyl aýyl sharýashylyǵy daqyldary 29,3 myń ga jerge egildi. Kórsetkish ótken jylmen salystyrǵanda 1,4 myń gektarǵa artyq.
Egin jınaý jumystaryna 791 birlik aýyl sharýashylyǵy tehnıkasy jumyldyryldy, 7 jańa traktor satyp alyndy. Onyń ishinde 3 dana shetelden jáne 4 dana otandyq traktor alyndy. Investısııalyq sýbsıdııalaý baǵdarlamasymen 2 tehnıka sýbsıdııalandy.
Pandemııaǵa qaramastan dıqandardyń orasan eńbeginiń nátıjesinde Shymkentte segiz aıda 80 myń tonna ónim jınaldy, onyń ishinde dándi daqyldar - 14,4 myń tonna, maıly daqyldar – 3 myń tonna, kókónis, baqsha - 42,7 myń tonna, kartop - 3,1 myń tonna, mal azyqtyq daqyldar - 16,8 myń tonna. Bul jospardyń 93,7 paıyzy oryndalǵanyn kórsetedi. Barlyq astyqtyń sapasy joǵary jáne barlyq talaptarǵa saı keledi.
Jınalǵan ónimniń kólemi 28,5 mlrd. teńgege jetti. Jyl sońyna deıin 29,3 myń gektar egis alqabynan jalpy 85,4 myń tonna ónim jınalsa, jalpy ónim kólemi 37 mlrd. teńgege jetedi dep josparlanyp otyr.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir