23 Qyrkúıek, 2021 NEWS
Foto: Ashyq derekkóz
Prezıdenti Qasym-Jomart Toqaev jumysshylaryn ereýilge ádeıi ıtermeleıtin kompanııalarǵa tekseris júrgizýdi tapsyrdy. Bul týraly ol Mańǵystaý oblysyna jumys sapary barysynda aıtty.
Toqaevtyń aıtýynsha, keıbir kompanııalar halyqty qalqan etken bolyp, memleketten aqsha alýdy kózdeıdi. Keıin bólingen aqshany jumysshylarǵa bermeı, óz qaltasyna basady. Prezıdent eńbek daýlarynyń edáýir bóligi QazMunaıGazdyń enshiles kompanııalarynan shyǵyp jatqanyn atap ótti. Olardyń tarapynan tıisti jumys atqarylǵanymen, bul jetkiliksiz ekenin alǵa tartty.
Prezıdent Samuryq-Qazyna men QazMunaıGaz kompanııalaryna bul máselemen myqtap aınalysýdy tapsyrdy.
– Keıbir jeke kompanııa basshylary jumysshylaryn ereýilge ádeıi ıtermeleıdi. Bul kompanııalardyń tizimi mende bar. Maqsaty – halyqty qalqan etken bolyp, memleketten aqsha alý. Biz muny bilemiz. Olar bólingen aqshany jumysshylarǵa bermeı, óz qaltasyna basady. Mundaı qıturqy árekettiń jolyn kesý kerek. Osyndaı kompanııalarǵa aýdıtorlyq jáne taǵy basqa tekserý júrgizý kerek", - dedi Toqaev Mańǵystaý oblysyn áleýmettik-ekonomıkalyq damytý týraly jıynda.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir