• USD 468.56

  • EUR 497.56

  • RUB 7.3

  • CNY 67.18

29 Naýryz, 11:04:39
Almaty
+35°

Bilim jáne ǵylym mınıstrligi shet tilder jáne iskerlik karera ýnıversıteti bas lısenzııasynan aıyrylǵanyn málimdedi. 

Buǵan deıin mınıstrlik, joǵary oqý orny bas lısenzııasynan aıyrylý aldynda turǵanyn habarlaǵan. Qaıta tekserý qorytyndysy boıynsha zańbuzýshylyqtar anyqtalǵan.  Nátıjesinde Almaty qalalyq ákimshilik quqyq buzýshylyqtar jónindegi mamandandyrylǵan aýdanaralyq sotynyń sheshimimen, atalǵan oqý orny bas lısenzııasynan aıyryldy.

Sondaı-aq sottyń 2021 jylǵy 18 tamyzdaǵy sheshimimen joǵary oqý oryny tıisti nusqamany oryndamaǵany úshin ákimshilik jaýapkershilikke tartyldy.

– Biz joǵary oqý oryndaryna buzýshylyqtardy joıýǵa ýaqyt beremiz, alaıda olar kemshiliktermen jumys júrgizbeıdi. Osyǵan baılanysty keıinirek qatań sharalar qoldanýǵa týra keledi. Shet tilder jáne iskerlik karera ýnıversıtetinde bilim berý sapasyn qamtamasyz etýdiń ishki júıesi qalyptaspaǵan. Bilim berý baǵdarlamalaryn, jeke oqý josparlaryn taldaý belgili bir pánder boıynsha kredıtterdi ıgerýde úlken aıyrmashylyqtardy kórsetti. Tıisinshe, bilim alýshylar pánderdi tolyq kólemde meńgermeıdi. Oqytý nátıjeleri boıynsha stýdentterdiń 90%-y shekti deńgeıden óte almady, – dedi bilim jáne ǵylym salasynda sapany qamtamasyz etý komıtetiniń tóraıymy Gúlzat Kóbenova.

Zańnamaǵa sáıkes, ýnıversıtet lısenzııadan aıyrylǵan jaǵdaıda bilim alýshylar semestrdiń aıaqtalýyn kútpeı-aq basqa ýnıversıtetterge aýysa alady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir