• USD 468.9

  • EUR 485.64

  • RUB 7.7

  • CNY 66.1

01 Jeltoqsan, 09:19:00
Almaty
-1°

Foto: Shymkent qalasy ákiminiń baspasóz qyzmeti

Shymkent qalasy Ál-Farabı aýdandyq sotynyń sheshimimen «Samal-1» shaǵyn aýdanyndaǵy Rysqulov kóshesi boıynda zańsyz salynǵan 8 qurylys nysanyn májbúrlep buzý is-sharalary bastaldy.

Bul nysandar josparlaý qurylymynda qurylys salý shekarasyn bólip turatyn qyzyl syzyqty óreskel buza otyryp salynǵan. Nátıjesinde, qurylystardyń menshik ıeleri bekitilgen jobalaý qujattarynyń talaptarymen kórsetilgen syzyqtardy saqtamaı nysan qurylystaryn júrgizgen. Salynǵan qurylystardy paıdalaný týraly ruqsat qujattar rásimdelmegen.

Tıisti normatıvterdi basshylyqqa almaı salynǵan bul nysandar, jalpyǵa birdeı paıdalanylýy tıis aýmaqtardyń jabylýyna ákep soǵyp, jol qozǵalysyn tıimdi uıymdastyrýǵa kedergi keltirýde.

Qala qurylysynda bekitilgen qaǵıdalar qatań saqtalýy kerek. Bul salada beı-bereket qurylys júrgizýge bolmaıdy. Jalpyǵa birdeı paıdalanylatyn aýmaqtarda ınjenerlik jeliler, jol ınfraqurylymyna qajetti nysandar ornalastyrylyp, qala kósheleriniń qurylymy Bas josparǵa sáıkes qalyptastyrylady.

Tártip pen talapty ustansaq qana qalamyz zamanaýı ortalyqqa aınalady. Qolaıly orta qalyptastyrýdyń alǵashqy qadamy – aınalaǵa qolaısyzdyqtar týdyrmaýdan bastalady. Bul qaǵıdat qala turǵyndarynyń azamattyq ustanymyna aınalady degen senimdemiz.

"Qamshy" silteıdi
Ilmek sózder: Shymkent

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir