• USD 468.56

  • EUR 497.56

  • RUB 7.3

  • CNY 67.18

29 Naýryz, 19:32:05
Almaty
+35°

Jambyl oblysynyń polısııasy rezonans týdyrǵan vıdeony túsirgen eki jýrnalıske qatysty qylmystyq isti toqtatty, dep habarlady Zakon.kz.

Qyrkúıek aıynyń ortasynda eki BAQ ókili - Islambek Dastan (Turaninfo.kz) men Danııar Álimquldyń ("Jetinshi arna") polısııaǵa jaýap alýǵa shaqyrtý alǵany belgili boldy. Jýrnalıster ne búldirgenderin suraǵanda polısııa olardyń túsirilimderin tekserip jatqanyn aıtty.

Jambyl oblystyq prokýratýrasy "Aqparattyq júıeni paıdalana otyryp, bile tura jalǵan aqparat taratý" baby boıynsha tergeý júrgizilgenin habarlady. Tergeý 26 tamyzda Baızaq óńirinde bolǵan oqıǵalardan keıin qolǵa alynǵan.

"Sotqa deıingi tergeýdiń qolǵa alynýyna áleýmettik jelilerdi monıtorıngileý kezinde ýákiletti organ anyqtaǵan qoǵamnyń teris pikirin týǵyzǵan osy adamdardyń túsirilimi sebep boldy", delingen redaksııa saýalyna berilgen jaýapta.

Tergeý oblystyq prokýratýranyń baqylaýynda boldy. "Týyndaǵan suraqtarǵa" túsinik berý úshin BAQ ókilderimen kezdesý ótkizildi. 21 qyrkúıekte, júrgizilgen tergeý áreketteri men zertteý nátıjelerin zerdeleı kele, polısııa qylmys quramynyń joqtyǵyna baılanysty jýrnalısterge qatysty qylmystyq isterdi toqtatty.

30 tamyzda buqaralyq aqparat quraldary men áleýmettik jelilerde meıramhananyń janynda áskerı snarıadtarǵa uqsas zattar jatqan vıdeo paıda boldy. Vıdeo avtory Danııar Álimqul olardy Jambyl oblysy Baızaq aýdanynan tapqanyn aıtty.

Keıinirek Qorǵanys mınıstrligi bul oq-dárilerdi joıǵannan keıingi metall qaldyqtary ekenin, onyń jeke kásiporynǵa satylǵanyn, onyń basqalarǵa eshqandaı qaýip tóndirmeıtinin atap ótti.

26 tamyzda Jambyl oblysy, Baızaq aýdanynda ornalasqan áskerı bólimdegi qoımalardyń biriniń janynda órt shyqty. Sońǵy málimetter boıynsha, jarylystan 17 adam qaıtys boldy.

"Qamshy" silteıdi
Ilmek sózder: Jambyl oblysy

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir