22 Qyrkúıek, 2021 NEWS
Foto: Ashyq derekkóz
Almatydaǵy Aqbulaq móltekaýdanynda bes adamǵa oq atqan Igor Dýjnovtyń qazirgi jaǵdaıy belgili boldy. Bul týraly onyń advokaty Damır Hasanov habarlady.
Dýjnovqa qorǵaýshyny memleket taǵaıyndaǵan. Ol bıýdjet qarajaty esebinen kúdiktiniń múddesin qorǵaıdy.
– Aıyptalýshy Dýjnovtyń aman-saý, ol eshteńege shaǵymdanbaıdy. Onyń densaýlyǵy qalypty. Ýaqytsha tergeý ızolıatorynda qamaýda otyr. Sot sheshimi shyqqansha 72 saǵatqa qamaýda bolady. Sot bultartpaý sharasyn qabyldaýy tıis. Tergeý soty onlaın rejımde ótedi, tutqyndalǵannan keıin 72 saǵat ishinde. Qazir tergeý qupııa túrde júrgiziledi. Eger týystary basqa advokat jaldasa bul isten men bas tartamyn. Jaqyndary basqa advokat jaldamaǵan jaǵdaıda, Dýjnovtyń isin men júrgizemin, – dedi Hasanov.
Eske sala keteıik, Almatydaǵy Aqbulaq yqshamaýdanynda 20 qyrkúıek kúni keshki saǵat 17:00 shamasynda atys boldy.
Resmı derekterge súıensek, sot sheshimin oryndaýshylar eki adamnyń menshik quqyǵyna qatysty daýǵa baılanysty kúdiktiniń úıine kelgen. Sot sheshimimen estigen azamat úıinen qarý alyp shyǵyp, sot oryndaýshysyna, ýchaskelik polısııa ınspektorlaryna jáne aýlada bolǵan basqa adamdarǵa qarýdan oq atqan. Nátıjesinde 5 adam oqıǵa ornynda qaıtys boldy. Onyń ishinde úıdiń jańa ıesi men taǵy bir turǵyn bar.
Aqbulaqtaǵy tragedııa: Qaıtys bolǵandar týraly aqparat belgili boldy
Almatydaǵy atys: 5 adamdy óltirgen kúdikti kim ekeni anyqtaldy
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir