22 Qyrkúıek, 2021 NEWS
Foto: Ashyq derekkóz
Memlekettik organdar prezıdent Qasym-Jomart Toqaevtyń Qazaqstan halqyna joldaýynan keıin bıýdjetti qaıta qarap, 2022 jyly zeınetaqy men eń tómengi jalaqynyń boljamdy mólsherin anyqtady.
Eńbek jáne halyqty áleýmettik qorǵaý mınıstrliginiń málimdemesine sáıkes, eń tómengi jalaqy mólsheri 42 500-den 60 myń teńgege artqan.
2022 jyldyń 1 qańtarynan bastap:
- jalaqynyń eń tómen mólsheri – 60 myń teńge;
- memlekettik bazalyq zeınetaqy tóleminiń eń tómen mólsheri – 19 450 teńge;
- zeınetaqynyń eń tómen mólsheri – 46 302 teńge;
- járdemaqylardy jáne ózge de áleýmettik tólemderdi esepteý, sondaı-aq zańnamaǵa sáıkes aıyppul sanksııalary, salyq jáne basqa da tólemderdi qoldaný úshin aılyq eseptik kórsetkish – 3063 teńge;
- bazalyq áleýmettik tólem mólsherin esepteý úshin eń tómen kúnkóris deńgeıiniń shamasy – 36 018 teńge bolyp belgilendi.
Buǵan deıin Toqaev Qazaqstan halqyna joldaýynda eń tómengi jalaqy mólsherin 60 myńǵa deıin kóterýdi tapsyrǵan bolatyn.
"2022–2024 jyldarǵa arnalǵan respýblıkalyq bıýdjet týraly" zań jobasy 6 qazanǵa deıin jarııa talqylaýǵa shyǵaryldy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir