21 Qyrkúıek, 2021 NEWS
Foto: Facebook
Almatyda atys uıymdastyryp 5 adamdy óltirgen kúdikti týraly otbasynyń advokaty aıtyp berdi, dep habarlady exk.kz basylymy.
– Baspanadan týyndaǵan janjal 2000 jyldardyń basynan júrgizilip keledi. Men sot prosesteriniń birneshe kezeńi ótkennen keıin ǵana bildim. Jalpy men Dýjnovtyń qandaı adam ekenin sıpattaı almaımyn, sebebi jubaıy Anaıdpen jıirek sóılestim. Biraq bar biletinim bular qarapaıym otbasy, – dedi advokat.
Advokattyń sózine qarasaq qandy qylmysqa qatysy bar erli-zaıyptylar ustamdy jáne ıntellıgentti bolǵan.
Igor Dýjnov (5 adamǵa oq atqan adam - red) týraly ne belgili?
54 jastaǵy Igor Dýjnov 2009 jyly tirkelgen "Nano plıýs" JShS-nyń basshysy. Kompanııa avtomobıl bólshekterin satýmen aınalysady. Ol kásipkerlerdiń táýelsiz qaýymdastyǵynyń bıznes-klýby múshesi boldy jáne BAQ aldynda ara-tura sóz sóılep júrgen. Suhbattarynyń birinde ol qarajattyń joqtyǵyn aıtyp, jıi tekserister bolyp turady dep shaǵymdanǵan.
– О́tken jyly "Damý" baǵdarlamasy boıynsha alynǵan nesıeni 12,5% - ben qaıta qarjylandyrdym. Bul rette saqtandyrý úshin 200 myń teńge tóleýge týra keldi. Qazir bizdiń kásiporyn únemi túrli monıtorıngterge ushyraıdy. Shynymdy aıtsam, jańa nesıe berýge ýáde etilgen soń mólsherlemeni azaıtýǵa sheshim qabyldadyq. Bizge "kóp aqsha" kerek. Kepildik ekinshi nesıe alýǵa múmkindik beredi, biraq bizge bank ruqsat bermeıdi, – deıdi ol.
Dýjnovtyń áıeli Anaıda Demırchıan da bıznespen aınalysqan. Ol "Zolotoe rýno" atty sulýlyq jáne densaýlyq ortalyǵynda baılanys tulǵasy retinde kórsetilgen. Dýjnovtyń áıeline tıesili úı bankterdiń birinde kepildik múlik retinde tirkelgen. Uzaq sot prosesteri barysynda turǵyn úı banktiń menshigi bolyp tanylyp, aýksıonda satyldy.
Sondaı-aq, Igor Dýjnov qaıyrymdylyqpen aınalysqan eken. Máselen, 2009 jyly medısına qyzmetkerleri kúnine oraı basqa da kásipkerlermen birge qarajat jınap, №4 Qalalyq klınıkalyq aýrýhanaǵa 15 fransııalyq múgedekterge arnalǵan arba alyp bergen.
– Álem meıirimdi bolýy kerek. Bergen adamǵa Qudaı beredi dep durys aıtylǵan. Biz neǵurlym kóp jaqsy is jasasaq, bárimizdiń ómir súrýimiz soǵurlym jaqsy bolmaq, – degen eken ol sharalardyń birinde.
Aıta keteıik, Almatydaǵy Aqbulaq yqshamaýdanynda 20 qyrkúıek kúni keshki saǵat 17:00 shamasynda atys boldy. Resmı derekterge súıensek, sot sheshimin oryndaýshylar eki adamnyń menshik quqyǵyna qatysty daýǵa baılanysty kúdiktiniń úıine kelgen. Sot sheshimimen estigen azamat úıinen qarý alyp shyǵyp, sot oryndaýshysyna, ýchaskelik polısııa ınspektorlaryna jáne aýlada bolǵan basqa adamdarǵa qarýdan oq atqan. Nátıjesinde 5 adam oqıǵa ornynda qaıtys boldy. Onyń ishinde úıdiń jańa ıesi men taǵy bir turǵyn bar.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir