• USD 468.56

  • EUR 497.56

  • RUB 7.3

  • CNY 67.18

29 Naýryz, 18:28:22
Almaty
+35°

Qytaıdyń ekinshi iri jyljymaıtyn múlik kompanııasy ǵalamdyq qor naryǵy men krıpto naryǵyn quldyratty. 

Qarjylyq sarapshylardyń pikirinshe, qor naryǵy men jahandyq krıpto naryǵynyń quldyraýyna Qytaıdyń iri jyljymaıtyn múlik kompanııasy  "Evergrande Real Estate Group" aksııalarynyń 10,24 paıyzǵa tómendeýi sebep bolǵan. Aldymen Gonkong qor naryǵy quldyrady. Gonkongtaǵy "Hang Seng" ındeksi  52 aptadaǵy eń tómengi deńgeıge tústi. 

Buǵan deıin kompanııa ındeksi 17 paıyzǵa tómendegen bolatyn. "Evergrande" jyljymaıtyn múlik toby "Fortune Global 500" tizimine sáıkes, satylym kólemi boıynsha Qytaıdaǵy ekinshi iri qurylys kompanııasy. Ol sonymen qatar álemdegi eń tabysty 122 iri kompanııaǵa kiredi.

Gonkongtaǵy taǵy bir iri jyljymaıtyn múlik toby "Henderson Land Development Co."-nyń da aksııalary aıtarlyqtaı satylǵan.

Mamandar "Evergrande Real Estate Group"-tyń shamamen 2 trıllıon dollar qaryzǵa batqanyn aıtady. Álemdegi jetekshi jyljymaıtyn múlik korporasııalarynyń qaryz daǵdarysyna qatysty alańdaýshylyq naryqqa keń aýqymdy yqpal etti. Bank aksııalary, joǵary kiristi dollarlyq oblıgasııalar jáne saqtandyrý fırmalary daǵdarys yqpalyna ushyraýda.

Qyrkúıektiń altynshy kúni 52 myń dollardan asqan Bıtkoın baǵasy búgin tańerteń 40 myń dollarǵa deıin qulady.

Bir saǵattyń ishinde Bıtkoın naryǵy 312 mıllıon dollar joǵaltty. Krıptovalıýtada BTC aıyrbasynyń birneshe ese ósýi baıqaldy. Bıtkoınnyń jappaı satylýy jalǵasa berse, krıpto naryǵynyń áli de quldyraýyna alyp kelýi yqtımal.

Aıta keteıik, Qytaı bıligi sıfrlyq valıýtaǵa qatal saıasat ustana bastaǵannan keıin jáne Tesla kompanııasy Bıtkoındi tólem túri retinde qabyldamaıtynyn jarııalaǵan soń, bıyl sáýirde eń joǵary shekke (shamamen 63 myń dollarǵa) jetken krıpto naryǵynda quldyraý bastalǵan.   Quldyraý shildege deıin jalǵasty. Shildeniń 21 kúni Twitter kompanııasynyń bas atqarýshy dırektory Djek Dorsı, Tesla jáne SpaceX kompanııasynyń dırektory Ilon Mask onlaın kezdesý ótkizip, ınvestorlar men kompanııalarǵa krıptovalıýtanyń múmkindikteri týraly pikirlerin jarııalaǵan soń, sol kúnnen bastap krıpto naryǵy ońala bastaǵan.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir