"Toı jasaýǵa ruqsat etildi". Qazaqstanda karantın jeńildeıdi

Qazaqstanda karantın sharalary jeńildeıdi. Bul týraly koronavırýstyń taralýyna jol bermeý jónindegi vedomstvoaralyq komıssııa habarlady. 

Osyǵan baılanysty VAK birqatar sheshimder qabyldady:

• 27 qyrkúıekten bastap "Ashyq" boıynsha "qaýipsiz" mártebesi bar qyzmetkerler men kelýshilerdiń qatysýymen kelesi is-sharalardy ótkizýge ruqsat etiledi:
• 16 elmen áýe qatynasy jańartylady jáne ulǵaıady; (Reseı Federasııasy, Túrkııa, BAÁ, О́zbekstan, Germanııa, Maldıvy, Koreıa, Polsha, Vengrııa, Italııa, Chehııa, Shrı-Lanka, Qytaı, Saýd Arabııasy, Kýveıt, Ázirbaıjan).
• Juma namazy meshit ishinde oqylady.
• Qolaıly epıdemıologııalyq ahýaly jáne halyqty vaksınasııalaýdyń joǵary deńgeıi bar 30 shet memleketpen Qazaqstan Respýblıkasyna kirý úshin vızasyz rejım qaıta bastalady; (Italııa, Nıderlandy, Fransııa, Germanııa, Ispanııa, Japonııa, BAÁ, Saýd Arabııasy, Kýveıt, Polsha Danııa, Chılı, Vengrııa, Koreıa, Chehııa, Bahreın, Katar, Monako, Kıpr, Islandııa, Fınlıandııa, Malta, Shvesııa, Portýgalııa, Lıhtenshteın, Slovakııa, Lıýksembýrg, Kanada, Sıngapýr, Belgııa).
• Qazaqstanda saltanatty, este qalarlyq jáne otbasylyq is -sharalar ótkizýge ruqsat etiledi.

Arnaıy, merekelik jáne otbasylyq is -sharalardy ótkizýdegi talaptar:

• "qyzyl" aımaqtaǵy óńirler úshin – 50 paıyzǵa deıin, 50 orynnan aspaý qajet;
• "sary" aımaqta óńirler úshin – tolý deńgeıi 50 paıyzǵa deıin, biraq 70 orynnan aspaýy tıis;
• "jasyl" aımaqta óńirler úshin – 50 paıyzǵa deıin, 100 orynnan aspaıdy.

Densaýlyq saqtaý mınıstri Alekseı Soı eldegi epıdemıologııalyq jaǵdaı turaqtanǵanyn, sońǵy 2 aptada syrqattanýshylyq pen ólim-jitim deńgeıi 60 paıyzǵa tómendegenin aıtty.

Sondaı-aq, Eraly Toǵjanov vaksınasııaǵa qoljetimdilikti arttyrý maqsatynda ákimdikterge áýejaılarda, temirjol vokzaldarynda, iri bazarlar men saýda oryndarynda talaptarǵa sáıkes keletin pýnktter uıymdastyrýdy tapsyrdy.