Perm ýnıversıtetindegi atys: 8 adam qaıtys boldy (vıdeo)

Reseıdiń Perm ýnıversıtetiniń aýmaǵynda atys bolyp, saldarynan 8 adam qaıtys boldy. Bul týraly RIA Novostı habarlady.

"8 adam qaza boldy, birneshe adam jaraqat aldy. Qaza bolǵandar men jaraqat alǵandar týraly derekter naqtylanyp jatyr. Stýdentter men oqytýshylardyń bir bóligi ǵımarattan shyǵyp úlgerse, basqa ishte qalǵandar aýdıtorııalardy ishten ilip alyp otyr" delingen habarlamada.

Sonymen qatar ýnıversıtet aýmaǵynda oq jaýdyrǵan stýdenttiń kim ekeni anyqtalǵan. Polıseıler ony ustaý kezinde qarsylyq tanytqan, keıin ol jaraqat alǵany belgili boldy. 

Atalǵan fakt boıynsha eki jáne odan kóp adamdy óltirý babymen qylmystyq is qozǵaldy.

Eske sala keteıik, buǵan uqsas jaǵdaı Tatarstan astanasy Qazan qalasynda oryn alǵan. 11 mamyrda  19 jastaǵy jasóspirim Ilnaz Galıavıev ózi oqyǵan № 175 gımnazııaǵa qarýmen shabýyl jasap, mekteptiń  kireberisinde qoldan jasalǵan jarylǵysh zatty iske qosqan. Sonyń saldarynan 2 muǵalim jáne 7 oqýshy qaza taýyp, 21 adam jaraqat alǵan bolatyn.

 

 

 

Posmotret etý pýblıkasııý v Instagram

 

 

 

Pýblıkasııa ot RIA Novostı (@ria_novosti)