• USD 468.56

  • EUR 497.56

  • RUB 7.3

  • CNY 67.18

28 Naýryz, 20:55:44
Almaty
+35°

Qazaqstandyq aýyr atlet Albert Lınderdiń inisi Semen Lınder sportshynyń qaıtys bolý sebebin túsindirdi. Bul týraly ol áleýmettik jelidegi paraqshasynda jazdy.

Semen Lınder aǵasynyń jáne óziniń sportta alǵan medaldaryn jerge kómip jatqanyn jelide jarııalady.

– Aǵa, sen máńgi meniń júregimdesiń! Bul bizdiń medaldarymyz!, – dep jazdy Semen.

Ol aǵasynyń boıyndaǵy jaqsy qasıetterin atap, únemi ony jigerlendirip otyrǵanyn aıtty.

– Aǵamnyń alǵa qoıǵan maqsaty boldy. Ol aýyr atletıkamen ómir súrdi. Bul isti bárinen artyq jaqsy kórdi. Sportqa jan-tánimen berildi, shtangany qatty jaqsy kórdi, sol arqyly ózin tapty. Onyń maqsaty men armany boldy. Ol elimizdiń patrıoty edi. Qazaqstan týyn maqtanyshpen kóterdi.Júregi keń adam edi, – dep jazdy inisi marqum aǵasy týraly.

Ol óz jazbasynda Albert Lınderdiń jattyǵý kezinde kúızeliske túsip, qolyn syndyrǵanyn jáne jattyqtyrýshysy marqum sportshyny mamandarǵa jibermegenin aıtty.

– Aǵam sporttan ketkennen keıin aýyr jaǵdaıǵa tap boldy, kóńili qaldy. Bári ony umytyp ketti. Jattyqtyrýshysy birneshe ret kelip, dál sol kúıinde jattyǵýdy jalǵastyrýǵa kóndirip kórdi. Sodan keıin meniń aǵamnyń jattyǵý jasamaıtynyn túsinip, ol da umytyp ketti. Aǵam aýyr atletıkadan basqa salada ózin taba almady. Eshkimge eshteńe aıtpastan ketip qaldy. Meniń aǵam ketti, – dedi Semen Lınder.

Ol sondaı-aq mundaı jattyqtyrýshy balalardy jattyqtyrmaýy qajet ekenin aıtty.

– Bul áreketinen keıin qalaısha jattyqtyrýshy retinde qyzmetin jalǵastyryp jatqanyn elestete almaımyn, – dedi Lınder.

Ol kináli adamnyń zań negizinde jazalanýy qajet ekenin jetkizdi.

Buǵan deıin, qazaqstandyq aýyratlet Albert Lınder ózine qol jumsaǵany habarlanǵan.

Aýyr atletıkadan álemniń tórt dúrkin chempıony Ilıa Ilın Lınderdiń ólimi týraly aıtyp, sportshylar fızıkalyq jaraqat alyp qana qoımaı, psıhologııalyq turǵyda da zardap shegetinin jetkizdi. Ol Qazaqstanda mundaı atletter úshin qalpyna keltirý ortalyǵy joq ekenin, tek birneshe adam ǵana sporttan tys ómirde óz ornyn tabatynyn jetkizdi.

 
 
 
Posmotret etý pýblıkasııý v Instagram
 
 
 

Pýblıkasııa ot Semıon Lınder (@lindeers)






 

"Qamshy" silteıdi
Ilmek sózder: Albert Lınder

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir